នៅសល់តែប៉ុន្មានម៉ោងទៀតប៉ុណ្ណោះ ពិធីបើកនិងការប្រកួតបើកព្រឹត្តិការណ៍បាល់ទាត់ជើងឯកពិភពលោក 2022 FIFA World Cup ដែលធ្វើនៅប្រទេសកាតារ នឹងដំណើរការហើយ ស្របពេលជំនួបបើកឆាកក្រុមជម្រើសជាតិម្ចាស់ផ្ទះកាតារ ត្រូវទទួលក្រុមអេក្វាឌ័រ ស្ថិតក្នុងពូល A។
The #FIFAWorldCup party is about to get started! 🙌
— FIFA World Cup (@FIFAWorldCup) November 19, 2022
🏟️ 🇶🇦 17:30 local time. It's going to be big. pic.twitter.com/Uj65drRkWV
សារព័ត៌មានត្រយង សូមជ្រើសរើសយករឿងសំខាន់ៗមួយចំនួនមុនការប្រកួតបើកឆាកនេះមកដល់៖
-ពូល A៖ កាតារ ប៉ះ អេក្វាឌ័រ
-ម៉ោង៖ ១០:៣០នាទីយប់ ថ្ងៃអាទិត្យ ទី២០ ខែវិច្ឆិកា ឆ្នាំ២០២២
-កីឡដ្ឋាន៖ Al Bayt Stadium ទីក្រុង Al Kohr ប្រទេសកាតារ
-ផ្សាយផ្ទាល់៖ ទូរទស្សន៍ CBS (កម្ពុជា)
១) ព័ត៌មានទូទៅ
*កាតារ៖ ឈរចំណាត់ថ្នាក់លេខ៥១ពិភពលោក តែប្រទេសនេះមិនធ្លាប់ឆ្លងទៅជុំចុងក្រោយក្នុងព្រឹត្តិការណ៍ World Cup នោះទេ ហើយនេះជាលើកដំបូងក្នុងប្រវត្តិសាស្ត្រ ដែលទទួលសិទ្ធិដោយស្វ័យប្រវត្តិ ក្នុងជាម្ចាស់ផ្ទះ។ លោកគ្រូបង្វឹកជនជាតិអេស្ប៉ាញ Félix Sánchez បានដឹកនាំក្រុមនៅមជ្ឈិមបូព៌ាមួយនេះប្រកួតមិត្តភាពក្នុងផ្លូវការនិងក្រៅផ្លូវការរហូតដល់ទៅ២១លើកក្នុងឆ្នាំ២០២២នេះ ប៉ុន្តែឈ្នះបាន ១០លើកស្មើគ្នា៨លើក និងចាញ់៣លើក។
*អេក្វាឌ័រ៖ ឈរចំណាត់ថ្នាក់លេខ៤៦ពិភពលោក ហើយនេះជាលើកទី៤ហើយដែលប្រទេសមកពីតំបន់អាមេរិកខាងត្បូងមួយនេះឈានជើងដល់ជុំចុងក្រោយ ខណៈកំណត់ត្រាល្អជាងគេក្នុងប្រវត្តិសាស្រ្តរបស់ខ្លួនគឺឡើងដល់វគ្គ១៦ក្រុមក្រោយក្នុងការប្រកួត 2006 FIFA World Cup នៅអាល្លឺម៉ង់ តែកាលនោះធ្លាក់ចេញដោយថ្វីជើងអង់គ្លេស ក្នុងលទ្ធផល១-០។
២) កីឡាករដែលគួរឱ្យចាប់អារម្មណ៍
*កាតារ៖
-អ្នកចាំទី Saad Al Sheeb របស់ក្រុម Al-Sadd ធ្លាប់បង្ហាញខ្លួនបាន៧៦លើកឱ្យក្រុមជម្រើសជាតិ
-ខ្សែការពារ Abdelkarim Hassan របស់ក្រុម Al-Sadd ធ្លាប់បង្ហាញខ្លួនបាន១៣០លើកនិងរកគ្រាប់បាល់១គ្រាប់ផងដែរ
-ខ្សែបម្រើ Karim Boudiaf របស់ក្រុមAl-Duhail ធ្លាប់បង្ហាញខ្លួនបាន១១៥លើកឱ្យកាតារ
-ខ្សែប្រយុទ្ធ Hassan Al-Haydos និងជាប្រធានក្រុមបង្ហាញខ្លួនបាន១៦៩លើកនិងរកបាន៣៦គ្រាប់ឱ្យជម្រើសជាតិខ្លួន
*អេក្វាឌ័រ៖
–អ្នកចាំទី Alexander Domínguez របស់ក្រុម LDU Quito ធ្លាប់ជួយជម្រើសជាតិខ្លួនរហូតដល់៦៨លើក ក្នុងវ័យ៣៥ឆ្នាំ។
-ខ្សែការពារ Pervis Estupiñán មកពីក្រុម Brighton & Hove Albion វ័យទើបតែ២៤ឆ្នាំតែរកគ្រាប់បាល់បាន៣គ្រាប់ក្នុងការបង្ហាញខ្លួន២៨លើកឱ្យអេក្វាឌ័រ
–ខ្សែបម្រើ Ángel Mena វ័យ៣៤ឆ្នាំក៏ពិតមែន តែរូបគេជួយជម្រើសជាតិខ្លួនបាន៤៦លើកមកហើយ
-ខ្សែប្រយុទ្ធ Enner Valencia កំពុងប្រកបអាជីពនៅក្លិប Fenerbahçe ជាអ្នករកគ្រាប់បាល់ឱ្យអេក្វាឌ័រ ច្រើនគ្រាប់ជាងគេបង្អស់ក្នុងចំណោមកីឡាករដែលកោះហៅលើកនេះរហូតដល់៣៥គ្រាប់ក្រោយបង្ហាញខ្លួនបាន៧៤លើក។
៣) កីឡាកររបួស៖ មិនមានកីឡាកររបួស
៤) ប្រវត្តិជួបគ្នា៖
-១៨ កុម្ភៈ ១៩៩៦ កាតារ ១-១ អេក្វាឌ័រ
-២៥ កុម្ភៈ ១៩៩៦ កាតារ ១-២ អេក្វាឌ័រ
-១២ តុលា ២០១៨ កាតារ ៤-៣ អេក្វាឌ័រ
៥) ព្យាករណ៍ពីជម្រើស១១នាក់ដំបូងនៅរាត្រីនេះ
៦) សម្តីគ្រូបង្វឹក
*កាតារ៖ Goal បានស្រង់សម្តីរបស់លោក Félix Sánchez ថាកាតាររៀបចំខ្លួន១២ឆ្នាំហើយមុនការប្រកួតមកដល់។ លោកថា «ថ្ងៃដែលសំខាន់សម្រាប់យើង។ ប្រវត្តិសាស្ត្របានកើតឡើងនិងជារឿងរីករាយបំផុតសម្រាប់យើង។ យើងនឹងកសាងសមិទ្ធផលសម្រាប់ប្រទេសនេះ។ ខ្ញុំរីករាយដែលជាផ្នែកមួយនៃក្នុងព្រឹត្តិការណ៍ដ៏សំខាន់មួយនេះ»។
📸- جانب من المؤتمر الصحفي لمنتخبنا الوطني 🇶🇦 لمباراة يوم غد أمام منتخب الاكوادور في المباراة الافتتاحية لبطولة #كأس_العالم_2022 🏆. #كلنا_العنابي #قطر2022 pic.twitter.com/AW3xnPjNHE
— الاتحاد القطري لكرة القدم 🇶🇦 (@QFA) November 19, 2022
*អេក្វាឌ័រ៖ FIFA បានស្រង់សម្តីលោក Gustavo Alfaro គ្រូបង្វឹករបស់អេក្វាឌ័រ ថាការប្រកួតបើកឆាកប្រៀបដូចប្រកួតវគ្គផ្ដាច់ព្រ័ត្រសម្រាប់លោក។ កាល World Cup នៅរុស្ស៊ី លោកជាពិធីករនៃការប្រកួត ខណៈ World Cup លើកនេះបុរសជនជាតិអាហ្សង់ទីន រូបនេះដឹកនាំក្រុមជម្រើសជាតិអេក្វាឌ័រ ចម្ងាយ ១៣,៦០០គីឡូម៉ែត្រ ទៅកាន់កាតារ។
🎙️ Lo mejor de la Rueda de Prensa previo a nuestro debut 🆚 Qatar
— La Tri 🇪🇨 (@LaTri) November 19, 2022
👨🏫 #GustavoAlfaro
Pertenecer a esta selecta lista de entrenadores que dirigen en una Copa Mundial es un privilegio
Catar es una Selección muy ordenada y organizada
La ilusión que tenemos es muy grande. pic.twitter.com/I9gxCLl5Yi
៧) ប្រវត្តិប្រកួត៥លើកចុងក្រោយរបស់ក្រុមទាំង២
*កាតារ៖
-២៨ កញ្ញា ២២ កាតារ ២-២ ឈីលី (មិត្តភាពអន្តរជាតិ)
-២៣ តុលា ២២ កាតារ ២-០ ហ្គាតេម៉ាឡា (មិត្តភាពក្រៅផ្លូវការ)
-២៧ តុលា ២២ កាតារ ១-០ ហុងឌុយរ៉ាស់ (មិត្តភាពក្រៅផ្លូវការ)
-៦ វិច្ឆិកា ២២ កាតារ ២-១ ប៉ាណាម៉ា (មិត្តភាពក្រៅផ្លូវការ)
-១០ វិច្ឆិកា ២២ កាតារ ១-០ អាល់បានី (មិត្តភាពក្រៅផ្លូវការ)
*អេក្វាឌ័រ៖
-៦ មិថុនា ២២ ម៉ិចស៊ីកូ ០-០ អេក្វាឌ័រ (មិត្តភាពអន្តរជាតិ)
-១២ មិថុនា ២២ អេក្វាឌ័រ ១-០ កោះ Cape Verde (មិត្តភាពអន្តរជាតិ)
-២៤ កញ្ញា ២២ អារ៉ាប៊ីសាអ៊ូឌីត ០-០ អេក្វាឌ័រ (មិត្តភាពអន្តរជាតិ)
-២៧ កញ្ញា ២២ ជប៉ុន ០-០ អេក្វាឌ័រ (មិត្តភាពអន្តរជាតិ)
-១៣ វិច្ឆិកា ២២ អេក្វាឌ័រ ០-០ អ៊ីរ៉ាក់ (មិត្តភាពអន្តរជាតិ)
៨) អាជ្ញាកណ្តាលកាត់សេចក្តី
–អាជ្ញាកណ្តាលលើទីលាន៖ លោក Daniele Orsato ជនជាតិអ៊ីតាលី
-ជំនួយការអាជ្ញាកណ្តាលទី១៖ Ciro Carbone ជនជាតិអ៊ីតាលី
–ជំនួយការអាជ្ញាកណ្តាលទី២៖ Alessandro Giallatini ជនជាតិអ៊ីតាលី
-មន្រ្តីអាជ្ញាកណ្តាលទី៤៖ Istvan Kovacs ជនជាតិរូម៉ានី
Italy’s Daniele Orsato has been selected as the referee for the Opening Match of the #FIFAWorldCup Qatar 2022 between Qatar 🇶🇦and Ecuador 🇪🇨 at Al Bayt Stadium on Sunday, 20 November. pic.twitter.com/988fIcHl99
— FIFA.com (@FIFAcom) November 18, 2022
៩) ព្យាករណ៍ពីលទ្ធផល
-សារព័ត៌មាន givemesport (អង់គ្លេស)៖ កាតារ ០-២ អេក្វាឌ័រ
-សារព័ត៌មាន 90min (អ៊ីស្រាអែល)៖ កាតារ ០-០ អេក្វាឌ័រ
-សារព័ត៌មាន sportsmole (អង់គ្លេស)៖ កាតារ ១-២ អេក្វាឌ័រ
-សារព័ត៌មាន as (អេស្ប៉ាញ)៖ កាតារ ០-១ អេក្វាឌ័រ
-សារព័ត៌មានត្រយង (កម្ពុជា) កាតារ ១-១ អេក្វាឌ័រ
