អ្នកគាំទ្រដែលស្រលាញ់និងគាំទ្រតារាឯកស្រី Yang Mi ច្បាស់ជារង់ចាំទស្សនារឿងថ្មីរបស់អ្នកនាង យ៉ាងណាមិញរឿង «She and Her Perfect Husband» របស់ Yang Mi អាចនឹងត្រូវបញ្ចាំងនៅដើមឆ្នាំ២០២២ ខាងមុខនេះហើយ ដោយចាប់ដៃគូជាមួយនឹងតារាសម្ដែងវ័យក្មេង Xu Kai ។
យោងតាមសារព័ត៌មានចិនមួយចំនួន បានចុះផ្សាយថារឿងភាគសម័យថ្មីនេះ នឹងមានដាក់បញ្ចាំងនៅឆ្នាំ ២០២២ ខាងមុខនេះ ខណៈដែលវែបសាយដ៏ធំ Dramalist ដែលជាវែបសាយផ្សព្វផ្សាយពីភាពយន្តគ្រប់បណ្ដាប្រទេសមិនទាន់បានកំណត់ពីឆ្នាំផ្សាយនិងចំនួនភាគពិតប្រាកដរបស់រឿងភាគនេះនៅឡើយទេ។
រឿង «She and Her Perfect Husband» ដែលសម្ដែងដោយ Yang Mi និង បុរសសង្ហា Xu Kaiបរិយាយពីស្ត្រីជាមេធាវីមួយរូបឈ្មោះ Qin Shi (Yang Mi) កំពុងតែមមាញឹកនិងផ្ដោតលើអាជីពរបស់ខ្លួន តែត្រូវឪពុកម្ដាយរបស់នាងបង្ខំឱ្យរៀបការ។ នៅក្នុងនោះដែរក្រុមហ៊ុនមេធាវីដ៏ធំឈ្មោះ Cheng and Hui បានប្រកាសជ្រើសរើសបុគ្គលិកលើជំនាញពិសេសផ្នែកវិបត្តិគ្រួសារ ប៉ុន្តែទាមទារឱ្យមេធាវីរូបនោះត្រូវតែជាអ្នករៀបការរួច។ ប្អូនប្រុស Qin Shi ឈ្មោះ Qin Wei បានលួចប្ដូរឋានៈពីនៅលីវ មកជារៀបការដោយមិនឱ្យនាងបានដឹង ថែមទាំងបង្កើតស្វាមីសិប្បនិម្មិតដែលល្អឥតខ្ចោះ។ Qin Shi ត្រូវបានជ្រើសរើសឱ្យចូលធ្វើការ។ Qin Shi ត្រូវបានចាត់តាំងឱ្យធ្វើជាទីប្រឹក្សាផ្នែកច្បាប់ឱ្យសមាគមសហគ្រិនស្ត្រី ហើយនៅពេលនោះឯងដែល Qin Shi បានដឹងខ្លួនថាខ្លួនបានរៀបការរួចហើយ។ ខណៈដែល Qin Shi ចង់សារភាពពីការពិតឱ្យក្រុមហ៊ុនបានដឹងស្រាប់តែស្វាមីរបស់នាង Yang Hua បានបង្ហាញខ្លួន។ Yang Hua ត្រូវបានម្ដាយរបស់គេបង្ខំឱ្យទៅជួបមេអណ្ដើក ធ្វើឱ្យគេមានអារម្មណ៍ខឹងយ៉ាងខ្លាំង ដូច្នេះគ្មានជម្រើសអ្វីក្រៅស្វែងរកការជួយពី Qin Sji។ មនុស្សពីរនាក់ដែលមិនចង់ឱ្យគេបង្ខំរៀបការបានសហការគ្នាហើយសម្រេចចិត្តចុះសំបុត្រអាពាហ៍ពិពាហ៍។ ទោះជាបានចុះឈ្មោះរៀបការតែគ្រួសាររបស់អ្នកទាំងពីរហាក់មិនទាន់ជឿចំពោះទំនាក់ទំនងអ្នកទាំងពីរ ជាងនោះទៀត អតីតមិត្តប្រុសរបស់ Qin Shi ស្រាប់តែចូលធ្វើការក្នុងក្រុមហ៊ុនជាមួយគ្នានាង។ Qin Shi និង Xu Kai ឆ្លងកាត់ឧបសគ្គជាច្រើនទីបំផុតអ្នកនាងក៏បានបាក់ចិត្តស្រលាញ់គ្នា។
រឿងភាគដែលមានចំនួន ៤០ ភាគនេះ រួមសម្ដែងដោយតារាល្បីៗជាច្រើនរូបមានដូចជា៖ Yang Mi , Xu Kai, Li Ze Feng, Tang Jing Mei, Wang Zi Xuan, និង Yeu Yao Li ៕