ក្រុមជម្រើសជាតិកូរ៉េខាងត្បូង ក្រោមការដឹកនាំរបស់លោក Paulo Bento នឹងត្រូវជួបជើងខ្លាំង អ៊ុយរូហ្គាយ វគ្គជម្រុះពូល H ក្នុងព្រឹត្តិការណ៍ពានរង្វាន់បាល់ទាត់ពិភពលោក FIFA World Cup 2022 នៅកីឡដ្ឋាន Education City Stadium វេលាម៉ោង ៨:០០នាទីយប់។
ខ្សែប្រយុទ្ធ Son Heung-min នឹងអាចចូលលេងបានក្នុងការប្រកួតបើកឆាក World Cup ឲ្យក្រុមជម្រើសជាតិកូរ៉េខាងត្បូង ទល់នឹងអ៊ុយរូហ្គាយ នៅរាត្រីនេះ ត្បិតត្រូវពាក់ម៉ាសមុខក៏ដោយ។
ខ្សែប្រយុទ្ធរបស់ក្លិប Spurs និងប្រធានក្រុមកូរ៉េខាងត្បូង Son បានវះកាត់កាលពីដើមខែវិច្ឆិកានេះ បន្ទាប់របួសភ្នែកខាងឆ្វេងអំឡុងការប្រកួត Champions League។ កីឡាករវ័យ៣០ឆ្នាំបានពាក់ម៉ាសមុខអំឡុងពេលហ្វឹកហាត់ក្នុងប្រទេសកាតា។
ខណ:ក្រុមជម្រើសជាតិព័រទុយហ្គាល់ របស់ខ្សែប្រយុទ្ធ Cristiano Ronaldo ក៏ត្រៀមប៉ះ ហ្គាណា នៅវេលាម៉ោង ១១:០០នាទីយប់នេះ នៅកីឡដ្ឋាន Stadium 974 វគ្គជម្រុះពូល H ដូចគ្នា។
ព្យាករណ៍ពីជម្រើស១១នាក់ដំបូងនៅយប់នេះ៖
អ៊ុយរូហ្គាយ ប្រើប្រាស់ទម្រង់ 4-3-3៖
Rochet; Varela, Godin, Gimenez, Olivera; Bentancur, Valverde, Vecino; Pellistri, Suarez, Nunez។
កូរ៉េខាងត្បូង ប្រើប្រាស់ទម្រង់ 4-3-3៖
Kim Seung-gyu; Yoon Jong-gyu, Kim Min-jae, Kim Young-gwon, Kim Jin-su; Jung Woo-young, Hwang In-beom, Kwon Chang-hoon; Hwang Hee-chan, Hwang Ui-jo, Son Heung-min។
ប្រវត្តិជួបគ្នា៥លើកចុងក្រោយ៖
– កូរ៉េខាងត្បូង ២-១ អ៊ុយរូហ្គាយ (២០១៨)
– កូរ៉េខាងត្បូង ០-១ អ៊ុយរូហ្គាយ (២០១៤)
– អ៊ុយរូហ្គាយ ២-១ កូរ៉េខាងត្បូង (២០១០)
– កូរ៉េខាងត្បូង ០-២ អ៊ុយរូហ្គាយ (២០០៧)
– កូរ៉េខាងត្បូង ០-១ អ៊ុយរូហ្គាយ (១៩៩០)។
ព្យាករណ៍ពីលទ្ធផល
-សារព័ត៌មាន givemesport (អង់គ្លេស)៖ អ៊ុយរូហ្គាយ ០-០ កូរ៉េខាងត្បូង
-សារព័ត៌មាន 90min (អ៊ីស្រាអែល)៖ អ៊ុយរូហ្គាយ ៣-១ កូរ៉េខាងត្បូង
-សារព័ត៌មាន sportsmole (អង់គ្លេស)៖ អ៊ុយរូហ្គាយ ៣-០ កូរ៉េខាងត្បូង
-សារព័ត៌មាន as (អេស្ប៉ាញ)៖ អ៊ុយរូហ្គាយ ២-១ កូរ៉េខាងត្បូង
-សារព័ត៌មានត្រយង (កម្ពុជា) អ៊ុយរូហ្គាយ ២-១ កូរ៉េខាងត្បូង៕
