ខ្សែបម្រើវ័យក្មេង Gavi របស់ក្លិបអ្នកមានបុណ្យ Barcelona បានបង្ហាញខ្លួនជាលើកដំបូងក្រោមការដឹកនាំរបស់លោក Luis Enrique សម្រាប់ក្រុមបាល់ទាត់ជម្រើសជាតិអេស្ប៉ាញ នៅក្នុងព្រឹត្តិការណ៍ FIFA World Cup ២០២២ ក្រោយយកឈ្នះកូស្ដារីកា ដោយលទ្ធផល ៧-០ កាលពីរាត្រីថ្ងៃទី២៣ ខែវិច្ឆិកា។
វីរបុរសប្រេស៊ីល Pele ឈរជាកីឡាករមានអាយុក្មេងបំផុតដែលរកគ្រាប់បាល់ដំបូងនៅក្នុងព្រឹត្តិការណ៍ FIFA World Cup 1958 ក្នុងវ័យ១៧ឆ្នាំ និង២៣៩ថ្ងៃ។
ខណៈលោក Manuel Rosas ស្ថិតនៅលេខរៀងទី២ ដោយរកគ្រាប់បាល់ក្នុងព្រឹត្តិការណ៍បាល់ទាត់ពិភពលោក ក្នុងអាយុ ១៨ឆ្នាំ និង ៩៣ថ្ងៃ។ រីឯ Gavi វិញរកបាននៅក្នុងអាយុ ១៨ឆ្នាំ និង១១០ថ្ងៃ។
កំណត់ត្រាអេស្ប៉ាញទើបតែបំបែកបានពោលគឺគិតចាប់ពីគ្រាប់ទីមួយដែលខ្សែប្រយុទ្ធ Dani Olmo ស៊ុតនៅនាទី ១១ មកម្ល៉េះ ហើយក៏ជាគ្រាប់ទី ១០០ សម្រាប់ប្រវត្តិសាស្ត្រអេស្ប៉ាញដែលរកបាននៅក្នុងការប្រកួតព្រឹត្តិការណ៍ World Cup ចាប់តាំងពីពួកគេបានបង្ហាញខ្លួនលើកដំបូងក្នុងឆ្នាំ ១៩៣៤៕
