ក្នុងប្រកួតចុងក្រោយនៅវគ្គជម្រុះតាមពូលពានរង្វាន់ 2022 World Cup Qatar កីឡាករ Jose Gimenez របស់អ៊ុយរុយហ្គាយ បានបង្ហាញកាយវិការមិនសមរម្យទៅកាន់លោកអាជ្ញាកណ្ដាល Daniel Siebert ជនជាតិអាល្លឺម៉ង់ ស្របពេលដែលកីឡាកររូបនេះប្រឈមមុខនឹងការដាក់ទណ្ឌកម្មពីសហព័ន្ធកីឡាបាល់ទាត់អន្តរជាតិ (FIFA)។
បើតាមការបញ្ជាក់របស់សារព័ត៌មាន insidethegames បានបញ្ជាក់ថាកីឡាករ Jose Gimenez អាចនឹងត្រូវព្យូរឈ្មោះ ឬមិនអនុញ្ញាតឲ្យចូលប្រកួតឲ្យក្រុមជម្រើសជាតិអ៊ុយរុយហ្គាយចំនួន ១៥ប្រកួត បន្ទាប់ពីខ្សែការពាររូបនេះ បានប្រើកាយវិការមិនសមរម្យ ចំពោះការមិនពេញចិត្តលើការកាត់សេចក្តីរបស់ក្រុមមន្ត្រីអាជ្ញាកណ្តាល ខណៈក្រុមរបស់ខ្លួនធ្លាក់ចេញត្រឹមវគ្គជម្រុះតាមពូល។
អត្ថបទពាក់ព័ន្ធ៖World Cup៖លើកដំបូងចាប់ពីឆ្នាំ១៩៩៨ ដែលក្រុមលេខ២លើលោកធ្លាប់ត្រឹមវគ្គជម្រុះក្នុងពូល
បើតាមវីដេអូឃ្លីបមួយបានបង្ហាញលើTwitter កីឡាករបានបើកាយវិការមិនសមរម្យ ដោយព្យាយាមតាមតវ៉ាជាមួយមន្ត្រីអាជ្ញាកណ្តាល និងប្រើកាយវិការលើកកែងដៃ ចំក្បាលលោកស្នងការប្រកួតរបស់ FIFA ក្រោយបញ្ចប់ការប្រកួត ហើយត្រូវបានគេថតជាប់ភ្លាមៗ ដោយអាចជាបទល្មើសដែលត្រូវពិន័យជាប្រាក់យ៉ាងតិច ៤៣៤៣ ផោន ឬកើនឡើង ៤ដង ច្រើនជាងនេះទៀត។
— Dan Le Batard Show with Stugotz (@LeBatardShow) December 2, 2022
សូមបញ្ជាក់ថាកីឡាករជាច្រើន របស់អ៊ុយរុយហ្គាយ រួមទាំងខ្សែការពារ មានការខឹងសម្បារចំពោះការកាត់សេចក្តីរបស់ក្រុមមន្ត្រីអាជ្ញាកណ្តាល ជាពិសេសត្រង់ចំណុចបដិសេធមិនផ្តល់បាល់ពិន័យ១១ម៉ែត្រ អំឡុងពេលប្រកួតជាមួយហ្គាណា។
ក្រុមជម្រើសជាតិអ៊ុយរុយហ្គាយ ធ្លាប់ឈ្នះពានរង្វាន់ FIFA World Cup មុនគេគឺនៅឆ្នាំ១៩៣០ និងឈ្នះលើកទី២នៅឆ្នាំ១៩៥០ ហើយក្រុមមកពីអាមេរិកខាងត្បូង មួយនេះធ្លាប់មានប្រវត្តិទទួលកៅអីចូលរួមក្នុងព្រឹត្តិការណ៍ World Cup រហូតដល់១៣ដងម្នាក់ឯង៕
ប្រែសម្រួល៖ សុន ភានុ