សិល្បៈជាតិ៖ ថ្មីនេះៗគេបានឃើញនៅលើបណ្ដាញសង្គមហ្វេសប៊ុកមានការប្រតិកម្មយ៉ាងខ្លាំងចេញពីសិល្បកររបាំល្ខោនខោលខ្មែរ ចំពោះទង្វើធ្វេសប្រហែសរបស់អ្នកឌីហ្សាញក្របសៀវភៅសរសេរ ដោយលើកយករូប «ល្ខោនខូន» របស់ថៃ មកពង្វក់ឱ្យសិស្សវង្វេងថា ជាល្ខោនខោលខ្មែរ។
លោក ព្រហ្ម ពុធវិសាល សាស្ត្រាចារ្យ និងជាសិល្បករល្ខោនមួយរូប បានបញ្ចេញមតិប្រតិកម្មចំពោះរូបភាពទាំងនោះ ហើយបានបញ្ហាញអារម្មណ៍សោកស្ដាយយ៉ាងខ្លាំងថា ៖ «គួរឱ្យអនិច្ចាណាស់មកដល់ពេលវេលានេះទៅហើយនៅតែមិនស្គាល់ខ្លួនឯងទៀត សោកស្ដាយមែនទែន ផ្សព្វផ្សាយបែបនេះ ធ្វើឲ្យក្មេងៗជំនាន់ក្រោយមានការយល់ច្រឡំធ្វើចឹងដូនតាបុព្វបុរសខ្មែរយេីងខឹងស្លាប់ហេីយ »។
ក្រោពីនោះ គេក៏ឃើញមានអ្នកអភិរក្សនិងលើកស្ទួយតម្លៃសិល្បៈបុរាណខ្មែរ បញ្ចេញមតិមិនពេញចិត្តស្រដៀងគ្នា ដោយលើកឡើងថា ៖ «ហេតុអ្វីមិនដឹង ហេតុអ្វីមិនស្គាល់ ហេតុអ្វីល្ងង់ដល់ថ្នាក់នឹង ហេតុអ្វីមិនសួរគេ ។ គ្រាន់តែឃើញអាចស្មានដល់ថ្នាក់លើដែលឱ្យបញ្ចេញចេញមក វាមិនមែនជារឿងធម្មតាទេ វាអាចផ្សាយដល់គ្រឹះស្ថានអប់រំទូលទាំងប្រទេសទាំងមូល ។ គេនាំគ្នាធ្វើឱ្យឃើញមួយប្រទេសហើយ មិចបានភ្លើរដល់ថ្នាក់នឹង»។
សូមជម្រាបថា ក្រៅពីសិល្បករល្ខោនខោលខ្មែរ និងអ្នកអភិរក្សនិងលើកស្ទួយតម្លៃសិល្បៈបុរាណខ្មែរ បញ្ចេញនូវប្រកតិកម្មខ្លាំងៗហើយនោះ គេឃើញមានអ្នកលេងបណ្ដាញសង្គមជាច្រើនអ្នកទៀតក៏មិនពេញចិត្តដូចគ្នាដែរ។ ភាគច្រើនបានបញ្ចេញមតិស្រដៀងៗគ្នាថា៖ «ខ្ញុំឃើញច្រើននៅតាមហាង និងHotel មួយចំនួនផ្តិតធំៗ។ មិនចង់និយាយច្រើន» «ទៅរកអ្នកណាជាអ្នកបោះពុម្ព» «ផ្សាយខុសស្មេីហ្នឹងបំផ្លាញ» «អ្នកដែលរងគ្រោះ គឺក្មេងៗ ដែលគាត់ទិញប្រើប្រាស់ក្របសៀវភៅនេះ» «ផ្ងើទៅខាងក្រសួង ឱ្យចាត់ចំណាត់ការភ្លាមទៅ» «អនិច្ចាណាស់» «អត់ស្គាល់អ្វីថាជាខ្លួនឯង»។
ជាការពិតណាស់ បើយើងមើលតែមួយភ្លេតដោយមិនសង្កេត ច្បាស់ណាស់យើងអាចនឹងច្រឡំរបស់ពិត និងមិនពិត ដែលបានបន្លំភ្នែករបស់យើងថាជា «ល្ខោនខោលខ្មែរ»។ ក៏ប៉ុន្តែយើងត្រូវចាំថា រូបភាពល្ខោនខោលខ្មែរយើងគឺមានឯកលក្ខណៈភាព ទាំងខ្មុក សម្លៀកបំពាក់ និងក្បាច់ ដូចរូបខាងក្រោម៖
ចំពោះបញ្ហានេះតើអ្នកយល់យ៉ាងណាដែរ? សូម Comment ប្រាប់ខាងក្រោមនេះផង៕
