«I’m breaking up» ឬ «ខ្ញុំបែកគ្នាហើយ» ចំណងជើងចាក់ដោតស៊ីនឹងជីវិតពិត ខ្សែភាពយន្តភាគថ្មីដែលតារាសម្ដែង
ស្រីរូបស្រស់សម្រស់អមតៈ Song Hye Kyo នឹងបង្ហាញវត្តមានសម្ដែង ក្នុងស្ថានីយទូរទស្សន៍ SBS ថ្មីឡើងវិញ។
យោងតាម The Daily Sports បានផ្សាយថា Song Hye Kyo នឹងសម្ដែងរឿងភាគថ្មីដែលមានចំណងជើងថា៖ «I’m Breaking Up» ឬ មានន័យជាខេមរភាសាថា «ខ្ញុំបែកគ្នាហើយ»។ រឿងនេះនឹងចាប់ផ្ដើមថតនៅខែតុលាខាងមុខនេះ។ រឿងនេះនិយាយពីគូស្នេហ៍មួយគូនៅក្នុងរង្វង់ឧស្សាហកម្មច្នៃម៉ូដជាស្នេហាដ៏សែនឈឺចុកចាប់ដែលមនុស្សស្រលាញ់គ្នាពីរនាក់ត្រូវបែកបាក់គ្នា។
រំលឹកឡើងវិញបន្ទាប់ពីលែងលះគ្នាហើយ Song Jong Ki បានបង្ហាញមុខលើកញ្ចក់ទូរទស្សន៍សម្ដែងរឿងភាគ2រឿង (Arthdal Chronicles និង Vincenzo) និងលើផ្ទាំងសំពត់ភាពយន្តខ្នាតធំ1រឿង (Space Sweepers)៕