ក្រុមជម្រើសជាតិថៃ នឹងជួបក្រុមវៀតណាម នៅវគ្គផ្ដាច់ព្រ័ត្រពានរង្វាន់ AFF Mitsubishi Electric Cup 2022 ជាលើកទី២ បន្ទាប់ពីខកខានជួបគ្នានៅវគ្គនេះ១០ឆ្នាំ ដោយជួបលើកទី១នៅឆ្នាំ២០០៨។
ជំនួនលើកទី១នៅវគ្គផ្ដាច់ព្រ័ត្រពាន AFF Championship ឆ្នាំ២០០៨ ក្រុមវៀតណាម បានយកឈ្នះលើក្រុមថៃក្នុងលទ្ធផល ៣-២ សរុបទាំងពីរជើង។ ដោយជើងទី១ វៀតណាមឈ្នះថៃ ២-១ និងជើងទី២ ក្នុងលទ្ធផល ១-១ សរុបទាំងពីរជើង វៀតណាម ៣-២ ថៃ។
នេះជាការឡើងទៅវគ្គផ្តាច់ព្រ័ត្រលើកទី១០ របស់ក្រុមជម្រើសជាតិថៃ និងជាកំណត់ត្រាច្រើនជាងគេបំផុតបើប្រៀបទៅក្រុមដទៃទៀតក្នុងតំបន់អាស៊ាន ៩លើកកន្លងមក ឈ្នះ៦ ចាញ់៣។ ខណ:វៀតណាមឡើងទៅវគ្គផ្តាច់ព្រ័ត្រនេះជាលើកទី៤ ឡើងទៅវគ្គផ្ដាច់ព្រ័ត្រ ៣លើកកន្លងមក ឈ្នះ២ ចាញ់១។
ការប្រកួតផ្តាច់ព្រ័ត្ររវាងក្រុមទាំងពីរ នឹងធ្វើឡើងពីរជើងដោយជើងទីមួយនៅទឹកដីវៀតណាម នៅកីឡដ្ឋាន My Dinh ថ្ងៃទី១៣ ខែមករា និងជើងទីពីរនៅទឹកដីថៃ ថ្ងៃទី១៦ ខែមករា ឆ្នាំ២០២៣ ក្នុងកីឡដ្ឋាន Thammasat៕