ការប្រកួតវគ្គផ្ដាច់ព្រ័ត្រពានរង្វាន់ AFF Mitsubishi Electric Cup 2022 នៅកីឡដ្ឋាន Thammasat ប្រទេសថៃ នារាត្រីថ្ងៃទី១៦ ខែមករា ឆ្នាំ២០២៣ មានអ្នកចូលទស្សនាផ្ទាល់ ១៩ ៣០៦នាក់។ ខណ:ការប្រកួតជើងទី១ ការពីថ្ងៃទី១៣ ខែមករា ឆ្នាំ២០២៣ នៅកីឡដ្ឋាន My Dinh មានអ្នកចូលទស្សនាផ្ទាល់ ៣៨ ៥៣៩នាក់ (សរុបទាំង២ជើង៥៧ ៨៤៦នាក់)។
ក្រុមជម្រើសជាតិថៃ បានក្លាយជាម្ចាស់ជើងឯកនៃ AFF Mitsubishi Electric Cup ២០២២ ក្រោយយកឈ្នះវៀតណាម ក្នុងលទ្ធផល ១-០ ទាត់ចូលដោយប្រធានក្រុមកីឡាករ Theerathon Bunmathan។ ខណ:ជើងទី១ ស្មើគ្នា ២-២ ដូច្នេះសរុបទាំងពីរជើង (ថៃឈ្នះ ៣-២)។
ក្រុមឈ្នះជើងឯកពានរង្វាន់បុរសប្រចាំតំបន់អាស៊ាន ចាប់ពីឆ្នាំ១៩៩៦ ដល់ឆ្នាំ២០២២៖
- ថៃ ឈ្នះបាន៧លើក៖ ឆ្នាំ១៩៩៦,២០០០,២០០២,២០១៤,២០១៦,២០២០,២០២២
- សិង្ហបុរី ឈ្នះបាន៤លើក៖ ឆ្នាំ១៩៩៨,២០០៤,២០០៧,២០១២
- វៀតណាម ឈ្នះបាន២លើក៖ ឆ្នាំ២០០៨,២០១៨
- ម៉ាឡេស៊ី ឈ្នះបាន១លើក៖ ឆ្នាំ២០១០
- ចំណែកក្រុមឥណ្ឌូណេស៊ី ឡើងវគ្គផ្ដាច់ព្រ័ត្រសរុប៦លើក តែបរាជ័យរហូត៕
រូបភាព៖ សហព័ន្ធកីឡាបាល់ទាត់ថៃ