ក្រុមបាល់ទាត់យុវជនថ្នាលរបស់ប្រទេសហ្វីលីពីន (Azkals Development Team) ក្នុងតំបន់អាស៊ាន បានជូនដំណឹងពីកីឡាករវ័យក្មេងរបស់ខ្លួនម្នាក់ ត្រូវបានក្លិបបានក្លិបបាល់ទាត់សមាជិកលីគកំពូលនៃប្រទេសដាណឺម៉ាក (Danish 1st Division) ក្នុងទ្វីបអឺរ៉ុប នាំចូលដើម្បីត្រៀមប្រកួតក្នុងជើងទី២រដូវកាលឆ្នាំ ២០២២-២៣។
កីឡាករនោះគឺ Jacob Francis Mariona Maniti នឹងទៅចូលរួមក្រុមចំណាត់ថ្នាក់លេខ៨ Hobro IK របស់ប្រទេសដាណឺម៉ាក ក្នុងនាមជាខ្សែបម្រើកណ្តាល ឬ ខែបម្រើ។ មុនធ្វើដំណើរទៅទ្វីបអឺរ៉ុបកីឡាករ Jacob Francis Mariona Maniti ធ្លាប់ជាសមាជិកក្រុម Macarthur, Blacktown City, Melbourne Victory U21 នៅប្រទេសអូស្ត្រាលី ផងដែរ។
ក្រោយទទួលបានឱកាសទៅបង្ហាញនៅលីគកំពូលប្រទេសដាណឺម៉ាក កីឡាករវ័យ២០ឆ្នាំរូបនេះបានលើកឡើងថា៖«យើងបានបង្កើតការចងចាំដ៏ល្អ និងជាក្តីសង្ឃឹមរំលឹកថាយើងផ្តើមចេញពីលីគហ្វីលីពីន»។ ជាមួយគ្នានេះដែរក្លិប Azkals Development Team បានជូនពរដល់កីឡាករ ហ្វីលីពីនកាត់អែលសាល់វាឌ័រ លើទឹកដីអូស្រ្តាលី រូបនេះជោគជ័យក្នុងអាជីពនៅថ្ងៃខាងមុខ។
អត្ថបទពាក់ព័ន្ធ៖ក្រុមនារីហ្វីលីពីន បង្កើតប្រវត្តិសាស្រ្តឡើងទៅលេង World Cup ជាលើកដំបូង
កីឡាករ Jacob ធ្លាប់បានកោះហៅចូលរួមក្រុមជម្រើសជាតិហ្វីលីពីន ក្រោមអាយុ២៣ឆ្នាំនិងឈុតធំ កាលពីពេលថ្មីៗផងដែរ ខណៈលោកគ្រូបង្វឹក Josep Ferré បានដាក់ឱ្យរូបគេចូលរួមប្រកួតក្នុងបរាជ័យ ហ្វីលីពីន ចាញ់ថៃ ៤-០ និងហ្វីលីពីន ចាញ់ឥណ្ឌូណេស៊ី ២-១ ក្នុងពានរង្វាន់បាល់ទាត់ 2022 AFF Championship វគ្គជម្រុះតាមពូល ផងដែរ៕