ក្លិបបាល់ទាត់ Al Nassr ដែលជាទ្រនំថ្មីរបស់កីឡាករ Cristiano Ronaldo និងការបូកបញ្ចូលគ្នាជាមួយកីឡាករ Al Hilal ក្នុងទីក្រុង Riyadh បានរងបរាជ័យក្រោមថ្វីជើង PSG ក្នុងលទ្ធផល ៤-៥ លើទឹកដីអារ៉ាប៊ីសាអូឌីត កាលពីរាត្រីថ្ងៃទី១៩ ខែមករា នៅកីឡដ្ឋាន King Fahd International Stadium។
Cristiano Ronaldo ម្ចាស់អាវលេខ៧ ក្នុងជាប្រធានក្រុម Riyadh All-Star ត្រូវបានលោកគ្រូបង្វឹក Marcelo Gallardo ដាក់ឱ្យបង្ហាញខ្លួនពេញម៉ោង៦០នាទី ស៊ុតបញ្ចូលទី២គ្រាប់ ក្នុងចំណោម៤គ្រាប់ ដោយបាល់ពិន័យ១១ម៉ែត្រនៅនាទី៣៤’ និងនាទី៤៥+៦ ចុងវគ្គទី១ ខណ:២គ្រាប់ទៀតស៊ុតដោយ Hyun-Soo Jang នៅនាទី៥៨’ និង Anderson Talisca នៅនាទី៩០+៤។
៥គ្រាប់របស់ PSG ស៊ុតដោយកីឡាករ Lionel Messi នាទី៣’, Marquinhos នាទី៤៣’, Sergio Ramos នាទី៥៣’, Kylian Mbappe នាទី៦០’, Ekitike នាទី៧៨។
នៅក្នុងតង់ទី១ លោកអាជ្ញាកណ្ដាល Abdulrahman Al-Jassim (ជនជាតិកាតា) ពិន័យកាតក្រហមដល់ខ្សែការពារស្លាប PSG គឺកីឡាករ Juan Bernat នៅនាទី៣៩’៕
ខាងក្រោមជាវីដេអូហាយឡាយនៅក្នុងការប្រកួតរវាងក្រុម Riyadh All-Star ទល់នឹង PSG៖