កាលពីថ្ងៃទី២២ ខែមិថុនា ឆ្នាំ២០២១ នាពេលរាត្រីតារាចម្រៀងដ៏ពេញនិយមប្រចាំព្រះរាជាណាចក្រកម្ពុជា ដែលនិយមតុបតែងលេងខ្លួនឡូយឆាយ ប្លែកៗ មិនស៊ាំភ្នែក បានបង្ហោះបង្អួតស្ទីលតុបតែងខ្លួនថ្មីជាមួយនឹងទង់ជាតិឥន្ទធនូ ព្រមទាំងគូមុខដោយពណ៌ ឥន្ទធនូ ផ្សំជាមួយនឹងឈុតរ៉ូបអត់ដៃចំហល្វែងលើពណ៌ ឥន្ទធនូ ទៀតកាន់តែស្អាត មើលកាន់តែយូរ កាន់តែទាក់ទាញ។
សូមចុចអាន ខុសគេឆ្នាំនេះអត់មានកាដូជូន តែ ទេព បូព្រឹក្ស ប្ដេជ្ញាធ្វើរឿង នេះជូនម្ដាយវិញ!
ការបង្ហាញ និង ការតុបតែងខ្លួនរបស់កញ្ញា ទេព បូព្រឹក្ស បានបង្ហាញឱ្យឃើញថាកញ្ញាក៏ជាអ្នកគាំទ្រ LBGT មួយរូប ព្រោះមិនត្រឹមតែលើកនេះនោះទេ ដែលកញ្ញាបានបង្ហាញការគាំទ្រដល់ក្រុមអ្នកស្រលាញ់ភេទដូចគ្នា កន្លងមកកញ្ញាក៏បង្ហាញការគាំទ្រតាមរយៈការផុសជារូបភាពនិង Status ដូចគ្នា ឧទាហរណ៍ដូចជាបច្ចុប្បន្ននេះ កញ្ញាបានប្ដូរ ប្រូហ្វាល់ និង Cover ជារូបកញ្ញាកាន់ទង់ជាតិ LGBT ផងដែរ។
និមិត្តសញ្ញាទង់ជាតិ ឥន្ទធនូ នេះត្រូវបានទទួលស្គាល់ និង ចាត់ទុកជានិមិត្តរូបនៃយុទ្ធនាការទាមទារសិទ្ធិក្រុមអ្នកស្រលាញ់ភេទដូចគ្នា ដើម្បីរំលឹកដល់សិល្បករអាមេរិកលោក Gilbert Baker ដែលហ៊ានប្រកាសខ្លួនថា ជាបុរសស្រលាញ់ភេទដូចគ្នា កាលពីអំឡុងឆ្នាំ ១៩៧៨។
បច្ចុប្បន្នទង់ជាតិនេះមាន ៦ ពណ៌តំណាងឱ្យ ជីវិត (ក្រហម) ការព្យាបាល (លឿងទុំ) ព្រះអាទិត្យ (លឿងខ្ចី) ធម្មជាតិ (បៃតង) សេចក្ដីស្ងប់សុខ (ខៀវ) និង ដួងព្រលឹង (ពណ៌ស្វាយ)។
ចង់ដឹងថាកញ្ញា ទេព បូព្រឹក្ស តុបតែងខ្លួនស្អាត ប្លែក គួរឱ្យទាក់ទាញប៉ុណ្ណាទស្សនារូបភាពខាងក្រោម៖
