សិល្បៈអន្តរជាតិ៖ យោងតាមការចែករំលែករបស់ក្រុមហ៊ុន JKN Global Group បានទម្លាយឱ្យដឹងថាប្រទេស អែលសាល់វ៉ាឌ័រត្រៀមកញ្ចប់ថវិកា៤០០លានបាត ឬស្មើនឹងជាង ១ម៉ឺនដុល្លារ ដើម្បីទិញសិទ្ធិរៀបចំការប្រកួត Miss Universe លើកទី៧២ ដែលនឹងត្រូវរៀបចំឡើងនៅពាក់កណ្ដាលឆ្នាំ២០២៣ខាងមុខនេះ ដែលនេះគឺជាសក្ខីកម្មដ៏សំខាន់បង្ហាញថាកម្មវិធីមួយនេះមានតួនាទីដ៏សំខាន់នៅក្នុងស្រូបទាញអ្នកទេសចរណ៍ឱ្យទៅជួយជំរុញសេដ្ឋកិច្ចឱ្យប្រទេសម្ចាស់ផ្ទះ។
លោកស្រី Ann Jakrapong ប្រធានគ្រប់គ្រងនិងដឹកនាំក្រុមហ៊ុន JKN Global Organize ឬ JKN បានបង្ហើបថា ក្រុមធុរកិច្ចអង្គភាព Miss Universe ឬ Miss Universe Organization (MUO) ទទួលបានលទ្ធផលប្រសើរក្នុងការជំរុញ MUO ឈានឆ្ពោះទៅមុខ។ ក្នុងនាមជាម្ចាស់អង្គភាព MUO មិនត្រឹមតែធ្វើឱ្យជនជាតិថៃទូទាំងប្រទេសមានមោទកភាពប៉ុណ្ណោះទេ តែក៏បានជួយពង្រឹងឱ្យក្រុមហ៊ុន JKN កាន់តែមានភាពរឹងមាំខ្លាំងថែមទៀតក្នុងការដំណើរធុរកិច្ចរបស់ខ្លួន ព្រោះថ្មីៗនេះប្រទេសអែលសាល់វ៉ាឌ័រ បានប្រើកញ្ចប់ថវិការហូតដល់ជាង១ម៉ឺនដុល្លារដើម្បីទិញ License ធ្វើជាម្ចាស់ផ្ទះរៀបចំការប្រកួត Miss Universe លើកទី ៧២ នៅក្នុងប្រទេសរបស់ខ្លួននាចុងឆ្នាំ២០២៣ខាងមុខនេះ។
ក្រៅពីទទួលបានចំណូលពីការលក់សិទ្ធិឱ្យប្រទេសអែលសាល់វ៉ាឌ័រក្នុងតម្លៃ៤០០លានបាតហើយនោះ ក្រុមហ៊ុនរបស់សេដ្ឋិនីរូបនេះក៏ទទួលបានចំណូលពីការលក់ License ឱ្យប្រទេសនានា ដែលរៀបចំឱ្យមានការប្រកួតនៅក្នុងប្រទេសរបស់ខ្លួនដើម្បីស្វែងរកបេក្ខនារីតំណាងប្រទេសដើម្បីចូលរួមប្រកួត Miss Universe កម្រិតពិភពលោក ដែលមានប្រទេសចូលរួមច្រើនជាង៨០ប្រទេសក្នុងមួយឆ្នាំៗ។
បន្ថែមលើសពីនោះចំណូលដែលទទួលបានមួយផ្នែកទៀត គឺបានពីថ្លៃរៀបចំការផលិតកម្មវិធីប្រកួតឱ្យដល់ប្រទេសនីមួយៗ (Production Fee) សបញ្ជាក់ឱ្យឃើញថាធុរកិច្ច MUO អាចរកចំណូលពីការរៀបចំកម្មវិធីប្រកួតក្នុងឆ្នាំនេះច្រើនជាង១២០០លានបាត ឬស្មើនឹងជិត៤ម៉ឺនដុល្លារដែរសម្រាប់ការរៀបចំក្នុងវិធីក្នុងឆ្នាំនេះ។
លោកស្រី Ann បានអះះអាងថាការដែលខ្លួនក្លាយជាម្ចាស់ Miss Universe អាចចាត់ទុកជា Soft Power មួយដែលជួយឱ្យមនុស្សជុំវិញពិភពលោកស្គាល់ប្រទេសថៃ និងស្គាល់ Brand Miss Universe កាន់តែច្បាស់ មិនតែប៉ុណ្ណោះនៅជួយកសាងភាពរឹងប៉ឺងឱ្យដល់ប្រទេសដែលទទួលបានសិទ្ធិធ្វើជាម្ចាស់ផ្ទះ អាចរៀបចំការប្រកួត ដើម្បីផ្សព្វផ្សាយពីប្រទេសរបស់ខ្លួន ទីតាំងរមណីយដ្ឋាន តំបន់ទេសចរណ៍ ឱ្យអ្នកទេសចរណ៍បានស្គាល់កាន់តែច្បាស់ពីប្រទេសនោះ ហើយនេះក៏ជាចំណែកមួយដ៏សំខាន់ជួយលើកស្ទួយនិងជំរុញសេដ្ឋកិច្ចជាតិឱ្យមានភាពរឹងមាំផងដែរ។ ប្រទេសអែលសាល់វ៉ាឌ័រធ្លាប់ត្រូវបានគេដាក់គោលដៅឱ្យជាប្រទេសកណ្ដាលនៃBitcoin ពិភពលោកមផងដែរ៕
ប្រភព៖ Mrgonline