សិល្បៈអន្តរជាតិ៖ ទាយាទសណ្ឋាគារល្បីរបស់អាមេរិក និងជាតារាដ៏ល្បីល្បាញនាង Paris Hilton នៅពេលនេះបានក្លាយជាម្ដាយគេសមដូចបំណងហើយ នេះបើតាមការរាយការណ៍ពីកាសែត The People បានចុះផ្សាយថ្មីៗនេះ។
តារាស្រីវ័យ៤១ឆ្នាំបានចែករំលែកដំណឹងល្អរបស់ខ្លួននៅលើបណ្ដាញសង្គម Twitter ដោយភ្ជាប់ជាមួយនឹងរូបភាពដៃរបស់នាងត្រូវបានដៃដ៏តូចរបស់ទារកក្រសោបជាប់។ «អ្នកទទួលបានក្ដីស្រលាញ់លើសពីពាក្យនិយាយ» នេះគឺជាសារដែល Paris Hilton បានសរសេរនៅលើ Twitter របស់ខ្លួន ដោយផុសនេះទទួលបានការចុច Like រហូតដល់២ម៉ឺន៧ពាន់គណនី ត្រឹមតែរយៈពេល២ម៉ោងប៉ុណ្ណោះបន្ទាប់ពីផុសចេញ។
កាសែតដដែលបានឱ្យដឹងថាកូនរបស់នាងកើតចេញពីការជួលឱ្យពពោះជំនួសព្រោះកាលពីពេលថ្មីៗនេះដែរ នៅពេលដែលនាងបង្ហាញខ្លួនជាសាធារណៈ រូបកាយរបស់នាងមិនមានសញ្ញាណាមួយបញ្ជាក់ថានាងកំពុងតែពពោះនោះឡើយ។
កាលពីខែធ្នូកន្លងទៅ Paris ធ្លាប់បានផ្ដល់សម្ភាសន៍ឱ្យកាសែត The People ដោយនាងនិយាយថានាងតែងតែសុបិនចង់ធ្វើជាម្ដាយម្នាក់ ហើយនាងក៏រីករាយដែរដែលនាងនិងស្វាមីបានចាប់ដៃគ្នា។ នាងនិងស្វាមីពិតជារំភើបជាទីបំផុតសម្រាប់ការបង្កើតគ្រួសារជាមួយគ្នា បេះដូងរបស់ពួកយើងស្ទើតែផ្ទុះចេញមកក្រៅដោយសេចក្ដីស្រលាញ់ដែលមានចំពោះកូនប្រុសពួកយើង»
យោងតាមបទសម្ភាសន៍ដដែល Paris និយាយថានាងនិងស្វាមីបានមានគម្រោងយកកូនតាំងពីពេលមានផ្ទុះរីករាលដាលនៃជំងឺកូវីដ-១៩មកម្ល៉េះ ពោលគឺចាប់តាំងពីអ្នកទាំងពីរបានរៀបការកាលពីខែវិច្ឆិកា ឆ្នាំ២០២១។
«ពួកយើងចង់ចាប់ផ្ដើមជីវិតគ្រួសារ។ ខ្ញុំគិតថានេះគឺជាពេលវេលាមួយដ៏ស័ក្ដិសមបំផុតហើយ។ជាធម្មតាខ្ញុំនៅលើយន្តហោះ២៥០ថ្ងៃក្នុងរយៈពេលមួយឆ្នាំ។ ដូច្នេះមានតែត្រៀមមេជីវិតឱ្យរួចហើយពួកយើងមានជីវិតរាប់សិបតោន ដូច្នេះគ្រាន់តែរងចាំពេលប៉ុណ្ណោះ»
ថ្វីត្បិតតែដំណឹងនេះបែកខ្ចរខ្ចាយជាសាធារណៈនិងមានការអបអរសាទរយ៉ាងគគ្រឹកគគ្រេងចំពោះតារាស្រីរូបនេះ ប៉ុន្តែអ្នកតំណាងឱ្យ Paris Hilton មិនបានចេញមកផ្ដល់ចម្លើយឆ្លើយតបចំពោះរឿងនេះនៅឡើយទេ៕
ប្រភព៖ thecut