កោះកុង ៖ លោកតាម្នាក់ កើតមានជំងឺប្រចាំកាយ ចុកខ្លន (ធ្លាក់ពង) រហូតទ្រាំលែងបាន សម្រេចបញ្ចប់ជីវិតដោយចងកសម្លាប់ខ្លួន ត្រូវបានក្រុមគ្រួសារប្រទះឃើញ កាលពីវេលាម៉ោង៧ព្រឹក ថ្ងៃទី២៦ ខែមករា ឆ្នាំ២០២៣ នៅលើផ្ទះ ក្នុងចម្ការស្ថិតក្នុងភូមិតានី ឃុំជីខលើ ស្រុកស្រែអំបិល ខេត្តកោះកុង ។
សាកសពឈ្មោះ ម៉ែន ឡាយ ភេទប្រុស អាយុ៨២ឆ្នាំ មានជំងឺប្រចាំកាយ ចុកខ្លន (ធ្លាក់ពង) ។
តាមសមត្ថកិច្ចបានឲ្យដឹងថា ក្រោយពីពិនិត្យសាកសួរលើក្រុមគ្រួសារ លោកតាមានជំងឺចុកខ្លន ម្តងៗ តែងតែព្យាយាមចង់សម្លាប់ខ្លួន តែមិនបានសម្រេច។ ស្រាប់តែនៅព្រឹកថ្ងៃទី២៦ ខែមករា ឆ្នាំ២០២៣ ដោយបាត់មិនឃើញលោកតា ក្រោកសោះ ក្រុមគ្រួសារដើរទៅមើលលើផ្ទះដីចម្ការស្រាប់តែប្រទះឃើញ ចងនឹងជញ្ជាំងស្លាប់បាត់ទៅហើយ ។
សាកសពត្រូវបានសមត្ថកិច្ចជំនាញ គ្រូពេទ្យ ធ្វើការពិនិត្យកោសល្យវិច័យ ឃើញថាពិតជាស្លាប់ដោយចងក ពុំមានពាក់ព័ន្ធបទល្មើសអ្វីឡើយ រួចប្រគល់ជូនក្រុមគ្រួសារចាត់ចែងរៀបចំធ្វើបុណ្យតាមប្រពៃណី ៕
អត្ថបទ៖តាតុង សែនជ័យ