សិល្បៈអន្តរជាតិ៖ Lim Ji Yeon បានឆ្លើយតបទៅកាន់សំបុត្រដែលរៀមច្បង Song Hye Kyo សម្ដែងរឿងភាគ The Glory ជាមួយគ្នាបានបង្ហោះ ដែលពាក្យពេចន៍ប៉ុន្មានម៉ាត់របស់នាងបានធ្វើឱ្យអ្នកគាំទ្រស្រែកហោរកញ្ជ្រៀវចំពោះវត្តមាននៃវគ្គទីពីររបស់រឿងនេះ។
កាលពីពេលថ្មីៗនេះ Platform ចែកចាយមាតិកាភាពយន្តដ៏ធំ Netflix បានបង្ហោះវីដេអូផ្សព្វផ្សាយខ្លីមួយនៃសាច់រឿងវគ្គទីពីរនៃភាពយន្តភាគ «The Glory» ធ្វើឱ្យទស្សនិកជនដែលជក់តាមដានរឿងភាគនេះរីករាយយ៉ាងខ្លាំង។ នៅក្នុងវីដេអូផ្សព្វផ្សាយខ្លីថ្មីនើ Song Hye Kyo ដែលដើរតួអង្គជា Moon Dong Eun កំពុងសរសេរសំបុត្រទៅកាន់អ្នកដែលធ្វើបាបខ្លួន ហើយដាក់គោលដៅសងសឹកចំពោះ Park Yeon Jin ដែលសម្ដែងដោយ Lim Ji Yeon។
ក្នុងសំបុត្រ Song Hye Kyo បានស្បថថានាងនឹងសងសឹកចំពោះការឈឺចាប់និងទុក្ខវេទនាដែលនាងបានទទួលឱ្យដល់ទីបំផុត។
វីដេអូផ្សព្វផ្សាយនេះបាន Upload នៅលើបណ្ដាញសង្គម Instagram របស់ Song Hye Kyo និង Lim Ji Yeon ប៉ុន្តែពាក្យឆ្លើយតបប៉ុន្មានម៉ាត់របស់នាងនៅខាងក្រោមវីដេអូនោះកំពុងតែផ្ទុះការចាប់អារម្មណ៍យ៉ាងខ្លាំងពីអ្នកតាមដាន។ នាងបានសរសេរឆ្លើយតបថា:
ល្អ,
Lim Ji Yeon
ធ្វើអាក្រក់ឱ្យដល់ទីបំផុតចុះ,
ប្រឹងប្រែងឡើង
សម្រាប់អ្នកយល់សាច់រឿងបានបង្ហាញការយល់ឃើញជាច្រើនចំពោះសាច់រឿងក្នុងវគ្គទីពីរ។ អ្នកគាំទ្រជាច្រើនបានអះអាងថាពួកគេមានអារម្មណ៍ព្រឺរងារភ្លាមៗក្រោយពីបានអានសារដែលតារាស្រី Lim Ji Yeon បានឆ្លើយតបនៅក្នុង Post របស់នាង៕
ប្រភព៖ Koreaboo
