Song Hye Kyo ហៅ ហាន់ជីអ៊ុន គឺជាតារាសម្ដែងសំណព្វចិត្តអ្នកទស្សនាជាច្រើនរូប ជាច្រើនឆ្នាំមកហើយ នៅពេលទទួលបានដំណឹងវិលត្រលប់មកសម្ដែងរឿងភាគថ្មីរបស់តារាស្រីរូបនេះ ធ្វើឱ្យអ្នកគាំទ្រអត់ទ្រាំមិនបាន ចង់ដឹងថាតើរឿងភាគដែលតារាក្នុងដួងចិត្តទទួលសម្ដែងមានចំណុចពិសេសៗត្រង់ណាខ្លះ។ នេះគឺជាចំណុចលម្អិតចំនួន ៥ ពាក់ព័ន្ធនឹងរឿង «Now We Are Breaking Up» ដែលអ្នកគាំទ្រចង់ដឹង៖
១. តួអង្គរបស់ Song Hye Kyo គឹជានារីម្នាក់ដែលចូលចិត្ត Fashion
Song Hye Kyo សម្ដែងជាតួអង្គ Ha Yong Eun អ្នកគ្រប់គ្រងផ្នែកច្នៃម៉ូដ នាងជាមនុស្សស្រីទាន់សម័យ ឆ្លាត និងរស់នៅជាមួយនឹងការពិត សម្រាប់ជីវិតពិត Song Hye Kyo ធ្លាប់រួមការងារជាមួយនឹង Brand លំដាប់ពិភពលោកជាច្រើនមានដូចជា Fendi ក្នុងឋានៈជា Global Ambassador ជនជាតិកូរ៉េខាងត្បូងដំបូងគេ និងមាន Brand ជាច្រើនទៀតដូចជា Chaumet និង Bottega Veneta ហេតុនេះអ្នកទស្សនាប្រាកដជាបានមើលឈុតទាន់សម័យជាច្រើនដែលនាងនឹងស្លៀកបង្ហាញក្នុងរឿងនេះជាក់ជាមិនខាន។
សូមចូលអាន ភាពយន្តភាគចំនួន ៧រឿងរបស់ Bae Suzy ដែលចៃរឿងកូរ៉េត្រូវតែតាមដានទស្សនា!
២. តួឯកប្រុសរបស់រឿង
Jang Ki Yong នឹងមកសម្ដែងជាតួឯកចាប់គូជាមួយនឹង Song Hye Kyo ដោយរឿងនេះគេនឹងសម្ដែងជាតួអង្គឈ្មោះ Yun Jae Kook ជាតួអង្គមួយដែលមានទ្រព្យសម្បត្តិស្ដុកស្ដម្ភ និងមានប្រជាប្រិយភាពខ្លាំង គេជាអ្នកថតរូបភាពឯករាជ្យ ឆ្លាតនិងមានមុខមាត់ស្អាត រឿងនេះយើងប្រាកដជាបានឃើញភាពរ៉ូមែនទិករបៀប បងស្រី-ប្អូនប្រុស ដូចជារឿងភាគ Encounter ដែល Song Hye Kyo ជាមួយនឹង Park Bo Guem សម្រាប់ Song Hye Kyo និង Jang Ki Yong ក៏មានអាយុខុសគ្នាច្រើនដែរដោយខាងស្រីមានវ័យ៣៩ឆ្នាំ ចំណែកខាងប្រុសមានវ័យ ២៨ឆ្នាំ។
សូមចុចអាន Hospital Playlist2 មកវិញតបតាមការរង់ចាំរបស់ហ្វេន ថែមទាំងបំបែកបានកំណត់ត្រាថ្មី!
៣. តួរងដែលអ្នកទស្សនារងចាំចង់ឃើញជាយូរ
ក្រៅពី Song Hye Kyo ដែលសម្ដែងហើយរឿងនេះនៅមានតួអង្គសំខាន់ៗនិងល្បីៗជាច្រើននាក់ទៀតដូចជា Choi Hee Seo ពីភាពយន្ត Misstress (២០១៨) និងរឿង Stranger (២០២០) មកសម្ដែងជាតួអង្គមិត្តសម្លាញ់ជំនាន់នៅរៀនជាមួយគ្នា និងតួអង្គ Kim Joo Heon ពីភាពយន្ត It’s Okay to Not Be Okay (២០២០) មកសម្ដែងជាតួអង្គអ្នកចាត់ចែងក្រុមច្នៃម៉ូដ និងរឿង Start-Up (២០២០) មកសម្ដែងជាតួអង្គ CEO ក្រុមហ៊ុនផ្សព្វផ្សាយពាណិជ្ជកម្ម។ ខណៈដែល Sehun ប្រុសស្អាតពីក្រុមចម្រៀង K-Pop EXO ដែលនឹងមកសម្ដែងជាតួអង្គអ្នកច្នៃម៉ូដជើងថ្មីដែលនឹងមករួមការងារជាមួយនឹងតួអង្គ Ha Yong Eun (Song Hye Kyo) ព្រមជាមួយនឹង Yura ក្រុមចម្រៀង Girl’s Day ដែលនឹងមកសម្ដែងជាតួអង្គបុគ្គលល្បីដែលមានអ្នក Follow លើ Social Media យ៉ាងច្រើន។
៤. ក្រុមផលិតភាពយន្តភាគ
ភាពយន្តភាគនេះ មានតារាសម្ដែងល្បីៗចូលរួមសម្ដែង អ្នកដឹកនាំ និងអ្នកសរសេរសេណារីយ៉ូ ល្បីមករួមសហការគ្នាពិសេសអ្នកដឹកនាំ Lee Kil Bok ដែលធ្លាប់មានស្នាដៃល្បីៗជាច្រើនដូចជា My Love From The Star (២០១៣) ,Vagabond (២០១៩) និង Dr. Romantic 2 (២០២០) ខណៈអ្នកសរសេរអត្ថបទភាពយន្ត Mistry (២០១៨) មកទទួលតួនាទីសរសេរអត្ថបទរឿងនេះ។
៥. ឆ្អឹងរឿង និង ថ្ងៃចាក់ផ្សាយ
សំរាប់សាច់រឿង «We Are Breaking Up» គឺជាភាពយន្តភាគដែលនៅមិនទាន់ត្រូវបានទម្លាយឱ្យដឹងសាច់រឿងលម្អិតនៅឡើយទេ គ្រាន់តែបង្ហើបឱ្យដឹងថា រឿងនេះនិយាយពីស្នេហានិងការបែកបាក់ ដែលជាការសន្មតតាមរយៈឈ្មោះសាច់រឿង។ សម្រាប់ភាពយន្តភាគនេះបានចាប់ផ្ដើមថតតាំងពីខែមេសាឆ្នាំ ២០២១នេះ មកម្ល៉េះ ដូច្នេះអាចនឹងត្រូវបញ្ចាំងនៅពាក់កណ្ដាលចុងឆ្នាំ២០២១ តាមរយៈកញ្ចក់ទូរទស្សន៍ SBS ។