សិល្បៈជាតិ៖ Miss Grand Cambodia កញ្ញា ពេជ្រវត្តី សារ៉ាវឌ្ឍី បានសាងកំណត់ត្រាថ្មីមួយទៀតសម្រាប់ខ្លួនឯងក្នុងឋានៈជាតារាសម្ដែង ដោយវត្តីបានជួយឱ្យតួអង្គដែលខ្លួនសម្ដែងមិនត្រូវបានអ្នកទស្សនាស្អប់ ជេរស្ដី ប៉ុន្តែបែរជាមានមនុស្សមួយភាគធំនាំគ្នាធ្មេចភ្នែកចូលធីម (Team) ប្រពន្ធចុងថែមទៀតផង។
រឿងភាគខ្មែររឿង «ប្រពន្ធចិត្តព្រះ» សម្ដែងដោយលោក ប៊ឺរី កញ្ញា គៀត សុវណ្ណាឡាង និងកញ្ញា ពេជ្រវត្តី សារ៉ាវឌ្ឍី ដោយក្នុងរឿងនេះ លោក ប៊ឺរី សម្ដែងជាតួអង្គមានប្រពន្ធរួចទៅហើយគឺកញ្ញា គៀត សុវណ្ណាឡាង ចំណែកឯម្ចាស់តំណែងលំដាប់រងទី៥ Miss Grand International សម្ដែងជាតួប្រពន្ធចុង ដែលព្យាយាមចូលមកជ្រៀតជ្រែកបំបែកបំបាក់គ្រួសាររបស់គេ។
បើនិយាយភាពពិតជាក់ស្ដែងនៅក្នុងសង្គមខ្មែរ មិនមានអ្នកណាចូលចិត្តឬឱ្យតម្លៃលើប្រពន្ធចុងនោះទេ មនុស្សមួយភាគធំប្រាកដណាស់ច្បាស់ជាកាន់ជើងប្រពន្ធដើមរឬហៅលេងៗថា Team ប្រពន្ធដើម ដូច្នេះសូម្បីតែតារាសម្ដែងដែលដើរតួជាប្រពន្ធចុងគេចាំបាច់គឺត្រូវត្រៀមចិត្ត។
ប៉ុន្តែរឿងនេះប្រហែលជាមិនអាចប្រើបានសម្រាប់តួអង្គ មីនត្រា ដែលសម្ដែងដោយស្រីស្រស់ ពេជ្រវត្តី សារ៉ាវឌ្ឍីនោះឡើយ ព្រោះទោះជាកញ្ញាដើរជាតួអង្គប្រពន្ធចុង ខូចឆ្នាស់ ល្បិចពិសពុល យ៉ាងណាក្ដីក៏អ្នកគាំទ្រនៅតែមិនអាចស្អប់ ឬលួចជេរតួអង្គរបស់កញ្ញានោះឡើយ ព្រោះតែឥទ្ធិពលនៃក្ដីស្រលាញ់ដែលអ្នកគាំទ្រមានចំពោះតារាស្រីរូបនេះ។
បើមើលតាមរយៈការ Comment ដែលអ្នកគាំទ្រជាច្រើនបង្ហាញនៅខាងក្រោមវីដេអូខ្លីៗនៅលើផេកហង្សមាសម្នាក់សុទ្ធតែបង្ហាញគោលជំហរចូល «ធីម ប្រពន្ធចុង» ដោយអ្នកគាំទ្រទាំងអស់បានលើកឡើងពីទស្សនៈផ្សេងៗគ្នាយ៉ាងដូច្នេះ៖
«អ្នកទាំងអស់គ្នាម៉េចនាំគ្នាមើលឃើញប្រពន្ធចុងល្អជាងប្រពន្ធដើមចឹង សូមបញ្ឈប់ទង្វើនេះភ្លាម វាមិនល្អទេណា បើតាមខ្ញុំមើលទៅសូម្បីតែខ្ញុំក៏ធីមប្រពន្ធចុងដែរ ដើម្បីម៉ាក់តី»
«ធីមចុងហើយ តែអត់ចូលចិត្តចុងទេវាក្ដៅក្រហាយណាស់ ស្អប់ស្រីយកប្ដីគេ តែស្អប់ជាងដែលទៅរកគេ វានឹងមានរឿងក្ដៅដល់គ្រួសារ។ សុំតែមួយរឿងនឹងទេណា សំខាន់ ស្រលាញ់សំណព្វចិត្តពេញបេះដូង។ Amazing Queen Cambodia Pich Votey Saravody Official»
«ស្អប់ Queen តែក្នុងរឿងទេ ព្រោះខ្ញុំស្អប់ស្រីស្រលាញ់ប្ដីគេ តែខាងក្រៅស្រលាញ់ Queen ដដែល»
«ទោះបីខ្ញុំស្អប់ពួកប្រពន្ធចុង តែលើកនេះសុំលើកលែង១ករណី Always គាំទ្រចែតី ឈ្នះ!ៗ»
«ធីមប្រពន្ធចុងយើង ដឹងត្រូវដឹងខុសទេយើង ម៉ាក់តីមួយរឿងនេះសាហាវ»
«មួយរឿងនេះសុំធ្វើ Team ប្រពន្ធចុងហើយ»
«ក្រៅសាច់រឿងខ្ញុំ Team ប្រពន្ធដើម តែក្នុងសាច់រឿងខ្ញុំ Team បងតីហើយ»
«ចូល Team ប្រពន្ធចុងតែមួយរឿងទេ។ សុំកុំជេរម៉ែ» «មួយរឿងនេះដឹងតែដូរវប្បធម៌ប្រពន្ធដលមល្អ មក Team ប្រពន្ធចុងអស់ហើយ ខុសត្រូវយ៉ាងណា នាំគ្នាខឹងអ្នកដឹកនាំរឿងវិញ»
«I Team ប្រពន្ធដើមនៅក្នុងសាច់រឿងបើនៅក្រៅចាប់ទះប្រពន្ធចុងបែកមាត់»
«Team ប្រពន្ធចុងច្រើនដល់ហើយ»៕
ប្រភព៖ Facebook
