តារាចម្រៀង និងបច្ចុប្បន្ន ជាពិធីការិនី កញ្ញា សុភក្ដ្ត្រ កុសុម៉ា បានជូនថវិកាដល់បុរសពិការជើងមួយរូបដែលមានក្ដីស្រមៃចង់បង្កើតមុខរបរថ្មីមួយចិញ្ចឹមជីវិតតែមិនមានលទ្ធភាព។
យោងតាមការបង្ហោះលើបណ្ដាញសង្គម តាមរយៈហ្វេសប៊ុកផេកលោក លោកគ្រូ នូ ស៊ិប យាយ អឿន និង អ្នក ផល្លា បានទទួលអំណោយឧបត្ថម្ភជួយសំរួលជីវភាពខ្វះខាត!
«ប្អូនស្រី Sopheak Kosoma មានសេចក្តីរំភើបចិត្តជាខ្លាំងចំពោះទឹកចិត្តរបស់ប្អូនប្រុសពិការជើងម្នាក់នេះ ក៏សម្រេចចិត្តបំពេញក្តីស្រមៃជូនគាត់ក្នុងការបង្កើតមុខរបរជាជាងជុសជុលគ្រឿងអេឡិចត្រូនិចដោយផ្តល់ថវិកាជូនគាត់ចំនួន៨០០»។
ក្រោយអំពើល្អរបស់ កញ្ញា ត្រូវបានរៀមច្បងយកមកចែករំលែកលើ Social Media មានមហាជនជាច្រើនជាលេងបណ្ដាញសង្គម facebook បានចូលរួមត្រេកអរជាមួយនឹងបុរសពិការជើង និង មានអ្នកខ្លះទៀតបានចូលមកកោតសរសើរទឹកចិត្តកញ្ញា កុសុម៉ា ដែលបានជួយឱ្យបុរសពិការជើងខាងលើមានមុខរបរចិញ្ចឹមជីវិតមួយត្រឹមត្រូវសម្រាប់ផ្គត់ផ្គង់ជីវភាពទៅថ្ងៃខាងមុខ៕