អភិបាលខេត្តកំពង់ឆ្នាំង ឯកឧត្តម ឈួរ ច័ន្ទខឿន ត្រូវបានតែងតាំងទៅកាន់តំណែងថ្មី ជាអនុរដ្ឋលេខាធិការ នៃក្រសួងអភិវឌ្ឍន៍ជនបទ ឯ អភិបាលរងខេត្តកំពង់ឆ្នាំង ឯកឧត្តម ស៊ុន សុវណ្ណារិទ្ធិ ត្រូវបានតែងតាំងជា អភិបាលខេត្តកំពង់ឆ្នាំង ជំនួសតំណែង ឯកឧត្តម ឈួរ ច័ន្ទខឿន។
ព្រះករុណា ព្រះបាទសម្ដេចព្រះបរមនាថ នរោត្តម សីហមុនី បានត្រាស់បង្គាប់តែងតាំង ឯកឧត្តម ស៊ុន សុវណ្ណារិទ្ធិ ឋាន្ដរស័ក្ដិឧត្តមមន្រ្តី ថ្នាក់លេខ៥ ជាអភិបាលខេត្ត នៃគណៈអភិបាលខេត្តកំពង់ឆ្នាំង។
ឯព្រះរាជក្រឹត្យមួយទៀត សម្ដេចព្រះបរមនាថ នរោត្តម សីហមុនី បានត្រាស់បង្គាប់ ឯកឧត្តម ឈួរ ច័ន្ទខឿន ជាអនុរដ្ឋលេខាធិការ នៃក្រសួងអភិវឌ្ឍន៍ជនបទ៕
