សិល្បៈជាតិ៖ បេក្ខនារី Miss Charm តំណាងកម្ពុជា កញ្ញា ប៊ី សុធារី កំពុងតែទទួលបានការចាប់អារម្មណ៍និងលេចធ្លោខ្លាំងនៅក្នុងវេទិកាប្រកួត Miss Charm International នៅប្រទេសវៀតណាម។ នេះបើយោងតាមការផ្សព្វផ្សាយដោយផេកផ្សព្វផ្សាយនិងគាំទ្របវរកញ្ញាទាំងជាតិនិងអន្តរជាតិ។
ថ្មីៗនេះនៅលើផេក World Press បានបង្ហោះចែករំលែកព័ត៌មានថ្មីៗទាក់ទងនឹងកម្មវិធីប្រកួត Miss Charm International ក៏ដូចជាព័ត៌មានទាក់ទង នឹងបេក្ខនារីដែលមកពីបណ្ដាប្រទេសនានា។
ក្នុងចំណោមបេក្ខនារីជាច្រើនរូបដែលចូលរួមប្រកួតប្រជែង កញ្ញា ប៊ី សុធារី បេក្ខនារីតំណាងកម្ពុជាហាក់ទទួលបានការចាប់អារម្មណ៍ច្រើនសូម្បីតែអ្នកគាំទ្រវៀតណាមមួយចំនួន ក៏បានលើកសរសើរដល់បេក្ខភាពបវរកញ្ញរបស់កម្ពុជារូបនេះច្រើនគួរឱ្យកត់សម្គាល់។
ប៊ី សុធារី គ្រាន់តែឈានជើងដល់ទឹកដីវៀតណាមដែលជាប្រទេសម្ចាស់ផ្ទះរៀបចំការប្រកួតកញ្ញាបានធ្វើឱ្យអ្នកគាំទ្រកម្មវិធីនេះចាប់អារម្មណ៍មកលើកញ្ញា ព្រោះមិនថាការស្លៀកពាក់ ការដើរ Catwalk ឈុតសំលៀកបំពាក់ដែលកញ្ញាគ្រងគឺស័ក្ដិសមឥតខ្ចោះ រហូតអាចឆក់យកបេះដូងជនជាតិវៀតណាមបានមិនតិចនោះឡើយ។
សម្រាប់កញ្ញា ប៊ី សុធារី ការត្រៀមខ្លួនហ្វឹកហាត់យ៉ាងយកចិត្តទុកដាក់មិនហ៊ានសំរាករបស់កញ្ញាបានហុចផលជាផ្លែផ្កាហើយ ព្រោះតែកញ្ញាត្រូវបានផេកគាំទ្រការប្រកួតបវរកញ្ញា Miss Charm Cambodia ជ្រើសរើសជាប់ជាបេក្ខនារីពេញនិយមជាងគេទាំង២០រូប ផងដែរ។
ថ្មីៗនេះផេក World Press ដែលនេះបានបង្ហោះពាក់ព័ន្ធចែករំលែកពីបវរកញ្ញាដែលមានការគាំទ្រច្រើន ហើយអាចឈានឆ្ពោះទៅដល់វគ្គកំពូលណាមួយបានចូល Top6។ ក្នុងចំណោមប្រទេសចំនួន១២ ដែលមានឱកាសបានក្លាយជាបេក្ខនារី Top នោះគេឃើញមានឈ្មោះរបស់បេក្ខនារីតំណាងប្រទេសកម្ពុជាយើងដូចគ្នាដែរ។
បេក្ខនារីទាំង១២រូបដែលផេកខាងលើទស្សន៍ទាយថានឹងមានឱកាសជាប់ Top6 មានដូចខាងក្រោម
COLOMBIA – Juliana Habib Lorduy
COSTA RICA – Andrea Montero
DOMINICAN REPUBLIC – Valentina Campion
PUERTO RICO – Alejandra Pagán Crespo
SOUTH AFRICA – Luyanda Zuma
VENEZUELA – Lady Di Mosquera
CAMBODIA – Sotheary By
CHILE – Anahí Hormazabal Garay
INDONESIA – Olivia Tan Aten
POLAND – Sylwia Bober
RUSSIA – Anna Baksheev
UKRAINE – Anastasiia Panova
ចំណែកឯផេកគាំទ្របវរកញ្ញាកម្ពុជា Beauty Pageant Reviewers ឯណោះវិញក៏បានលើកសរសើរត្រង់ៗចំពោះកញ្ញា ប៊ី សុធារី ដូចគ្នាដែរថា
« Miss Charm Cambodia តំណាងដោយកញ្ញា Sotheary Bee នៅវគ្គប្រកួតបឋម ពិតជាធ្វេីបានល្អណាស់ ទាំង Swimsuit, Evening Gown និង National Costume នាងគឺឈរលំដាប់លេខ1នៅអាសុី
– Swimsuit : នាងបានដេីរមកដោយភាពស្វាហាប់ហេីយរឹងមាំ ភាពរីករាយរបស់ពិតជាមានដោយបង្ហាញចេញពីស្នាមញញឹមដែលមិនលេីសមិនខ្វះ ស្ទាយដេីរ ការផុស គឺពិតជាស័ក្ដិសមជាមួយឆាកមួយនេះ បេីនិយាយពីរូបរាង ការពិតណាស់ រាងរបស់នាងគឺស្អាតជាងគេ
– Evening Gown : លំនាំចក្រវាលនៅតែស្ថិតនៅក្នុងព្រលឹងរបស់នាង ទោះបីជាវាកន្លងទៅអស់រយៈពេល6ឆ្នាំទៅហេីយក្តី នាងមិនបានធ្វេីអ្វីអោយលេីសពីភាពជាឃ្វីនរបស់នាងឡេីយ នាងប្រេីខ្សែភ្នែកបង្ហាញពីជំហរភាពជាម្ចាស់ក្សត្រីរបស់នាងដេីម្បីទាក់យកពិន្ទុពីគណៈកម្មការ ស្នាមញញឹមនាងស្អាតប្លែកខុសពីរាល់ដង បងា្ហញថាឆាកនេះគឺជារបស់នាង ហេីយនាងគឺជាម្ចាស់នៃឆាកមួយនេះ
– National Costume : ក្ងោក ប្រៀបប្រដូចទៅហ្នឹង ម្ចាស់ក្សត្រីនៃសត្វទាំងឡាយ នាងបានប្រេីឈុតតំណាងជាតិអំពីសត្វក្ងោកជាលេីកទី2នៃឆាកប្រកួតរបស់នាង ខ្ញុំបានឃេីញពីប្រណិតភាពនៃឈុតមួយនេះយ៉ាងច្បាស់ ដំណេីរឈានមកបង្ហាញថា ភាពជាក្សត្រិយ៍របស់នាងគឺពិតជាស្រទន់ដូចសត្វក្ងោកបញ្ជាក់ពីសម្រស់របស់កម្ពុជាពុំមានប្រទេសណាប្រដូចបាន សរុបមកវិញ កម្ពុជាគឺពិតជាធ្វេីបានល្អខ្លាំងណាស់ ហេីយខ្ញុំនិងគោះថា កម្ពុជា ប្រាកដជា Top10 អាចបន្តចូលដល់ Top5 យ៉ាងប្រាកដ ព្រោះខ្ញុំជឿជាក់ទៅលេីសមត្ថភាពនិងបទពិសោធន៍របស់នាង ចុះអ្នកទាំងអស់គ្នា គិតថាយេីងទៅបានដល់ជុំណា?