ខ្សែការពារ Sergio Ramos

នៅព្រឹកថ្ងៃទី២៤ ខែកុម្ភ: ឆ្នាំ២០២៣ ខ្សែការពារ Sergio Ramos សមាជិករបស់ក្រុមអ្នកមានបារាំង PSG បានប្រកាសចូលនិវត្តន៍ពីក្រុមជម្រើសជាតិអេស្ប៉ាញ ក្នុងវ័យ៣៦ឆ្នាំ ក្រោយមិនទទួលបានការកោះហៅចូលរួមក្នុងព្រឹត្តិការណ៍ World Cup ២០២២​ នៅកាតា។

រយៈពេល ១៨ ឆ្នាំនៅក្រុមជម្រើសជាតិអេស្ប៉ាញ Sergio Ramos ចូលលេង ១៨០ប្រកួត ស៊ុតចូលទី២៣គ្រាប់ ក្នុងនាមជាខ្សែ​ការពារ ដោយឈ្នះពានធំ៣ជូនជាតិគឺ World Cup ឆ្នាំ២០១០, Euro ឆ្នាំ២០០៨ និង Euro ២០១២ ខណ:នៅជាយុវជន Ramos ជួយឲ្យអេស្ប៉ាញ ឈ្នះពាន Euro U-19 ឆ្នាំ២០០៤។

ខ្សែបម្រើ Sergio Busquets

ខណ:សហព័ន្ធកីឡាបាល់ទាត់អេស៉្បាញ ក៏បានប្រកាសអំពីការចាកចេញរបស់លោក Luis Enrique គ្រូបង្វឹកក្រុមជម្រើសជាតិអេស៉្បាញ និងខ្សែបម្រើ Sergio Busquets ប្រកាសចូលនិវត្តន៍ បន្ទាប់ពីមិនអាចដឹកនាំក្រុមឆ្លងផុតវគ្គ១៦ក្រុមចុងក្រោយនៃពានរង្វាន់ FIFA World Cup ២០២២ នៅប្រទេសកាតាបាន។

លោក Luis de la Fuente វ័យ៦១ឆ្នាំ ត្រូវបានតែងតាំងជាគ្រូបង្វឹករបស់ក្រុមជម្រើសជាតិអេស្ប៉ាញថ្មី ជំនួសកៅអីលោក Luis Enrique ដែលបានចាកចេញ។

លោក De la Fuente បានដឹកនាំក្រុមជម្រើសជាតិអេស៉្បាញអាយុក្រោម ១៩ឆ្នាំ ឈ្នះជើងឯកទ្វីបអឺរ៉ុប កាលពីឆ្នាំ២០១៥ និងបានដឹកនាំក្រុមយុវជនអាយុក្រោម២១ឆ្នាំអេស៉្បាញ ឲ្យទទួលបានជើងឯកទ្វីបអឺរុបដូចគ្នានៅឆ្នាំ២០១៩។ ខណៈនៅឆ្នាំ២០២១ លោក De la Fuente បានដឹកនាំក្រុមជម្រើសជាតិអេស៉្បាញឲ្យទទួលបានមេដាយប្រាក់នៅក្នុងព្រឹត្តិការណ៍អូឡាំពិកទីក្រុងតូក្យូ ប្រទេសជប៉ុន៕

លោក Luis Enrique
លោក De la Fuente
Share.