សិល្បៈអន្តរជាតិ៖ តារាចម្រៀងម្ចាស់រហស្សនាមព្រះរាជបុត្រ Andy Lau ឬ លីវ តឺហួរ គឺជាបុគ្គលគំរូដែលជាទីស្រលាញ់នៅក្នុងរង្វង់សិល្បៈ។ ប៉ុន្តែជាអកុសលតារាចម្រៀងរូបនេះកំពុងតែត្រូវទាញចូលទៅក្នុងរឿងឃាតកម្មដ៏សាហាវឃោឃៅមួយនៅក្នុងក្រុងហុងកុង។
ថ្មីៗនេះពិភបលោកកំពុងតែភ្ញាក់ផ្អើលមនិងរន្ធត់ចិត្តយ៉ាងខ្លាំងនៅក្នុងសង្គមហុងកុងចំពោះករណីឃាតកម្មលើតារាម៉ូដែលនាង Abby Choi ដោយសារតែនាងត្រូវអតីតស្វាមីនិងគ្រួសារ សម្លាប់យ៉ាងព្រៃផ្សែ។ នាងត្រូវគេធ្វើឃាតដោយសារតែទំនាស់ដោយសារតែរឿងអចលនទ្រព្យ ហើយជាចៃដន្យអចលនទ្រព្យនោះនៅកន្លែងជាមួយគ្នានឹង Andy Lau។
Abby បានរៀបការជាមួយអតីតស្វាមី Alex Kwon នៅអាយុ១៨ឆ្នាំ។ ក្រោយមកអ្នកទាំងពីរមានកូនពីរនាក់ជាមួយគ្នា ប៉ុន្តែគួរសោកស្ដាយចំណងអាពាហ៍ពិពាហ៍របស់អ្នកទាំងពីរមិនបានយូរអង្វែងនោះឡើយ។ Abby និងស្វាមីបានលែងលះគ្នា ប៉ុន្តែនាងនៅតែបន្តឧបត្ថម្ភស្វាមី និងអតីតឪពុកម្ដាយក្មេក។ តាមពិត Abby បានទិញផ្ទះនៅតំបន់ Kowloon ជាទីតាំងមួយដែលល្បីល្បាញនិងសំបូរទៅដោយតារាល្បីៗរស់នៅដូចជា Andy Lau ឬលីវ តឺហួរជាដើម។
គួរឱ្យស្ដាយ គេហដ្ឋានដ៏ទំនើបនិងទាន់សម័យនោះបានក្លាយជាចំណុចឡើងកំដៅរវាងពួកគេ ព្រោះ Abby មានគោលបំណងចង់លក់ផ្ទះនោះដើម្បីយកប្រាក់ទៅបោះទុន។ មិត្តរបស់ Abby បានអះអាងថា Abby បានរកកន្លែងថ្មីសម្រាប់ឱ្យគ្រួសារអតីតស្វាមីនាងបានរស់នៅហើយ។
យ៉ាងណាមិញរឿងនេះបានធ្វើឱ្យគ្រួសារអតីតស្វាមីនាងខឹងយ៉ាងខ្លាំង ហើយស្វាមីនាងទាំងគំរាមទៀតថា
«យើងនឹងសម្លាប់នាង បើសិននាងហ៊ានលក់ផ្ទះនោះ»
ក្រោយមានបញ្ហានោះកើតឡើងស្រាប់តែនៅថ្ងៃទី២១ កុម្ភៈ Abby មានសេចក្ដីរាយការណ៍និងបណ្ដឹងពីការបាត់ខ្លួនរបស់នាង។ ៣ថ្ងៃក្រោយរាងកាអត់មានក្បាលរបស់នាងត្រូវបានគេរកឃើញនៅផ្ទះមួយក្នុងតំបន់ Tai Po។ ប៉ូលិសបានស៊ើបអង្កេតនិងបានរកឃើញថាចំណែកខ្លះទៀតនៃរាងកាយរបស់នាង។ រឿងដែលគួរឱ្យរន្ធត់បំផុតនោះគឺក្បាលរបស់នាងត្រូវបានរកឃើញនៅក្នុងឆ្នាំងស៊ុប៕
ប្រភព៖ hype.my