សិល្បៈជាតិ៖ នៅរសៀលថ្ងៃពុធ ទី ១ ខែមីនា ឆ្នាំ ២០២៣ នេះតារាចម្រៀងរ៉េប វណ្ណដា បានបង្ហោះរូបភាពជាច្រើនសន្លឹកដែលស្ដែងឱ្យឃើញថា លោកបានធ្វើដំណើរទៅកម្សាន្តនៅឯប្រទេសជប៉ុនជាមួយក្រុមគ្រួសារ។ ប៉ុន្តែរូបភាពមួយសន្លឹករបស់លោក ដែលបានស្លៀកពាក់ឈុតប្រពៃណីជនជាតិជប៉ុន កំពុងផ្ទុះការចាប់អារម្មណ៍ខ្លាំងជាងគេនៅលើបណ្ដាញសង្គម រហូតមកអ្នក Comment សរសើរសង្ហាដូចតួជប៉ុន មិនតិចនាក់ឡើយ។
សារព័ត៌មានត្រយង សូមដកស្រង់នូវការ Comment របស់ហ្វេនមួយចំនួនដែលបានពេញចិត្តចំពោះរូបភាពនេះ ដោយអ្នកខ្លះ Comment ថា ៖ «បុរសជប៉ុន» «ថតរឿងជប៉ុនមែនដា» «Wooតួជប៉ុន» «កំពុងរៀបចំថតមែនបង?» «idol មុខដូចតួជប៉ុន » និងមានអ្នកខ្លះទៀត Comment ជារូបបេះដូងដែលបង្ហាញពីការស្រឡាញ់ និងពេញចិត្តចំពោះរូបសម្រស់របស់ វណ្ណដា ជាខ្លាំង។
វណ្ណដា បានបង្ហោះរូបភាពជាអាល់ប៊ុម និងបានសរសេរផ្ញើចិត្តនឹកថា ៖ «អត់បានបាត់ទៅណាទេ ទៅដើរលេង» ។ មែនទែនទៅ រូបភាពមួយអាល់ប៊ុមរបស់ វណ្ណដា កំពុងតែក្លាយជាប្រធានបទក្ដៅនៅលើបណ្ដាញសង្គម ដែលគិតត្រឹមល្ងាចថ្ងៃទី ១ មីនា នេះ មានអ្នកចែករំលែកបន្តដល់ទៅ 3.1K Share , 18k Comments និងជាង 100k Reactions។
សូមជម្រាបថា វណ្ណដា ក៏បានបង្ហោះរូបភាពដំណើរកម្សាន្តនៅប្រទេសជប៉ុនមួយអាល់ប៊ុមនេះនៅលើគណនីអ៊ីស្ដាក្រាមរបស់លោកដែលមានឈ្មោះ therealvannda ហើយគេឃើញមាននារីៗថៃជាច្រើនបានចូលមកសរសើរលោក ដោយពួកគេនិយាយថា «ឪវាអើយ សង្ហាណាស់» «លើសពេកដឹងបងសម្លាញ់ គួរឱ្យស្រឡាញ់អ្វីយ៉ាងនេះ ស្រឡាញ់ជិតដាច់ខ្យល់ហើយ» ៕