សមាជិកអាជ្ញាកណ្ដាលកម្រិត FIFA ប្រចាំព្រះរាជាណាចក្រកម្ពុជា គឺ កញ្ញា ប្លុង ពេជ្រអក្ខរ៉ា ព្រមទាំង កញ្ញា ថោ ដាវី ជាប់ឈ្មោះចេញទៅបម្រើការជាអាជ្ញាកណ្តាល AFC Elite Referees ប្រចាំឆ្នាំ ២០២៣ នៃសហព័ន្ធកីឡាបាល់ទាត់អាស៊ីក្នុងការប្រកួតលើឆាកអន្តរជាតិ។
គួរដឹងថាកន្លងទៅសហព័ន្ធកីឡាបាល់ទាត់កម្ពុជា ក៏ធ្លាប់បានបញ្ជូនអាជ្ញាកណ្ដាលនារីចំនួន២រូប ទៅដឹកនាំការប្រកួតក្នុងពានរង្វាន់ AFF Woman Championship 2022 នេះនៅហ្វីលីពីន ដោយមានកញ្ញា ប្លុង ពេជ្រអក្ខរ៉ា និងកញ្ញា ថោ ដាវី។
ក្នុងឆ្នាំ២០២៣ សហព័ន្ធបាល់ទាត់ពិភពលោក ដែលហៅកាត់ថា FIFA បានចេញបញ្ជីឈ្មោះអាជ្ញាកណ្តាល កំរិតអន្តរជាតិ សម្រាប់ប្រទេសជាសមាជិកទូទាំងពិភពលោក កាលពីពេលថ្មីនេះ ដែលក្នុងនោះក៏មានសមាជិកមន្រ្តីអាជ្ញាកណ្តាលរបស់កម្ពុជា សរុប១១រូប។
អាជ្ញាកណ្ដាលលើទីលានទាំង ៤រូបមាន៖
-លោក ជី សាមឌី (ជាប់លើកដំបូងតាំងពីឆ្នាំ២០០៧)
-លោក ឃួន វីរៈ (ជាប់លើកដំបូងពីឆ្នាំ២០១០)
-លោក ឃិន ឧសីហា (ជាប់លើកដំបូងពីឆ្នាំ២០២៣)
-កញ្ញា ប្លុង ពេជ្រអក្ខរ៉ា (ជាប់លើកដំបូងពីឆ្នាំ២០១៤)។
ជំនួយការអាជ្ញាកណ្ដាល ៦រូបរួមមាន៖
-លោក គឹម ស៊ីពិសាល (ជាប់ដំបូងពីឆ្នាំ២០១០)
-លោក ផៃ វិសាល (ជាប់ដំបូងពីឆ្នាំ២០២២)
-លោក ស៊ុន ចាន់ភារិទ្ធិ (ជាប់ដំបូងពីឆ្នាំ២០០៧)
-លោក ស៊ុន ដារ៉ាវុធ(ជាប់ដំបូងពីឆ្នាំ២០១៨)
-លោក ទិន សំរេច (ជាប់ដំបូងពីឆ្នាំ២០២២)
-កញ្ញា ថោន ដាវី (ជាប់ដំបូងពីឆ្នាំ២០២២)
ខណ:អាជ្ញាកណ្ដាលសម្រាប់កីឡាបាល់ទាត់ក្នុងសាល គឺលោក សន វិហ្សែល៕
