បន្ទាប់ពីបានឆ្លងជំងឺកូវីដ-១៩តារាចម្រៀងអតីតម្ចាស់ពាន The Voice Cambodia លោក ធែល ថៃមិនដែលបានផុសឬ Live បង្ហាញឬចែករំលែកអាការៈវិវត្តន៍នៃជំងឺរបស់លោកជាមួយនឹងអ្នកគាំទ្រឡើយរហូតមកដល់ថ្ងៃទី០៤ខែមេសាម្សិលមិញនេះទើបលោកបានចេញមកប្រកាសពីការជាសះស្បើយពីជំងឺនេះតែម្ដង
។លោក ធែល ថៃ តារាចម្រៀងប្រចាំផលិតកម្មហង្សមាសបានផុសថ្លែងអំណរគុណចំពោះក្រុមគ្រូពេទ្យដែលបានយកចិត្តទុកដាក់ក្នុងការព្យបាលរូបលោករហូតបានជាសះស្បើយនិងផ្ដាំផ្ញើសារចំពោះប្រជាពលរដ្ឋកម្ពុជាយើងទាំងអស់ផងដែរថា៖ «ជាចុងក្រោយនេះ សូមឱ្យពុកម៉ែបងប្អូនទាំងអស់គ្នាចូលរួមអនុវត្តនូវ ៣កុំ ៣ការពារ ឱ្យបានខ្ជាប់ខ្ជួន និង បានចៀសផុតពីជំងឺកូវីដ-១៩ ក្នុងការបញ្ចប់ជំងឺកូវីដ-១៩ នាពេលឆាប់ៗនេះផងដែរ»៕