ស្ត្រីជាអ្នកចម្រៀងចាស់វស្សា ម៉េង កែវពេជ្ជតា បានស្រក់ទឹកភ្នែកនៅចំពោះមុខសិល្បករ សិល្បការិនី រាប់ពាន់នាក់ក្រោយពីសម្តេចងតេជោបានធ្វើរឿងដ៏ភ្ញាក់ផ្អើលមួយចំពោះ កូនស្រីរបស់នាងនៅថ្ងៃប្រារព្ធទិវាវប្បធម៌ជាតិ៣មីនា។ នោះក៏ព្រោះតែ សម្តេចបាន ហុចផ្កា ១ ទងនិងអង្អែលក្បាលកូនស្រីរបស់អ្នកនាងនៅពេលដែលនាងកំពុងសម្តែងនៅលើឆាក រួមគ្នាជាមួយនឹងម្តាយរបស់នាង(ម៉េង កែវពេជ្ជតា)។
សូមជម្រាបជូនថា សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅល្ងាចថ្ងៃទី ២ខែមីនា ឆ្នាំ២០២៣ បានអញ្ជើញជួបសំណេះសំណាល និងពិសាអាហារ ជាមួយអ្នកសិល្បៈចាស់ ក្មេងបុរាណ សម័យគ្រប់ទម្រង់សរុបប្រមាណជា៤ពាន់នាក់ នៅមជ្ឈមណ្ឌលសន្និបាត និងពិព័រណ៍អន្តរជាតិកោះពេជ្រ។
ក្នុងពិធីនោះ អ្នកនាងម៉េង កែវ ពេជ្ជតានិងកូនស្រូវត្រូវបានអនុញ្ញាតិឲ្យឡើងច្រៀង និង សម្តែងបទ ចាប៉ីផ្អែម ដោយមាន កូនស្រីរបស់អ្នកនាងជាអ្នកកេះចាប៉ីដោយផ្ទាល់។ក្នុងពេល ច្រៀងនិងសម្តែងដោយមាន ទាំង ការផ្សាយផ្ទាល់តាមកញ្ចក់ទូរទស្សន៍និងតាមផេកនានាផងនោះ អ្នកនាងម៉េង កែវ ពេជ្ជតា បានយកដៃជូតទឹកភ្នែកបណ្តើរនិងច្រៀងបណ្តើរនិងបាន យកផ្កាពីដៃកូនស្រីរបស់ នាងដែលជាអំណោយរបស់សម្តេចតេជោព្រមទាំង ឱនថើបថ្ងាស់កូនស្រី របស់នាងបង្ហាញនូវក្តីស្រឡាញ់ថែមទៀតផង៕
