សង្គ្រាមពាក្យសម្ដីឆ្លងឆ្លើយគ្នារវាងលោក អៀង ចេនឡា តារាសម្ដែងនិងតារាកំប្លែង ជាមួយនឹងកញ្ញា ស្រីពីន តារាសម្ដែងនិងតារាកំប្លែង បានធ្វើឱ្យមានការភ្ញាក់ផ្អើលខ្លាំងពីបណ្ដាអ្នកលេងបណ្ដាញសង្គមហ្វេសប៊ុក។
កាលពីថ្ងៃទី២៩ ខែមិថុនា ឆ្នាំ ២០២១ ស្រាប់តែលោក អៀង ចេនឡា បានធ្វើការផុសរូបភាពលោក ស្លៀកឈុតរៀបការជាគូជាមួយនឹងកញ្ញា ស្រីពីន ព្រមជាមួយនឹងសំណេរចាក់ដោត ដោយកំហឹងថា៖
«ស្ដាយណាស់ ដែលខ្ញុំស្គាល់អ្នក ធ្វើបានទោស ស្អប់បំផុតមិនចេះសួរហេតុផលឱ្យច្បាស់លាស់ ជឿសំដីអ្នកដទៃ រាងហើយរឿងយកអាសារមនុស្សស្រី សូមជំរាបដល់គ្រប់បណ្ដារក្រុមហ៊ុន បណ្ដារផលិតកម្មទាំងអស់ បើហៅស្រីពីនធ្វើការ សូមកុំហៅខ្ញុំ មានខ្ញុំអត់គាត់ មានគាត់អត់ខ្ញុំ មិនចង់មានបញ្ហាអ្នកណា រឿងអត់ប្រយោជន៍ ព្រោះរវល់រកលុយចិញ្ចឹមគ្រួសារ»។
ក្រោយលោក អៀង េចនឡា បានធ្វើការផុសសំណេរខាងលើនេះ ក៏មានមិត្តភក្តិ មិត្តសិល្បករមួយចំនួនបានចូលមកខមមិន សួរនាំពីរឿងហេតុផ្សេងៗ ដោយលោក អៀង ចេនឡា គ្រាន់តែបានបញ្ជាក់ខ្លីៗថា កញ្ញា ស្រីពីន បានផុសដៀមដាមថាឱ្យលោក ព្រមទាំងផ្ញើសារមកថាឱ្យលោកថែមទៀតផង។
យ៉ាងណាមិញ ភាគីកញ្ញា ស្រីពីន កញ្ញាបានចូលមកធ្វើការ Share (ចែករំលែកបន្ត) នូវផុសខាងលើទៅលើ ដោយភ្ជាប់ជាមួយសំណេរឆ្លើយតបទៅនឹងការលើកឡើងរបស់លោក អៀង ចេនឡាវិញថា៖
«ខឹងមែនបង? គ្រាន់តែថាបងឯងនិយាយអាក្រក់ពីខ្ញុំប្រាប់គេមែនអត់នឹង ខឹងមែនបង? ចុះបើបងពិតជាមិនបាននិយាយទេ ក៏អត់ទៅ? ក៏ចប់ទៅ អីក៏ប្រកាសសង្គ្រាមអីដល់ថ្នាក់នឹងនោះ!!! អំពើល្អជួយខ្ញុំ ខ្ញុំដឹងតើ តែបើជួយខ្ញុំហើយដើរនិយាយអាក្រក់ពីខ្ញុំបែបនេះ បែបនោះដដែលហ្នឹង គិតថាសមនឹងតម្លៃជួយហ្នឹងដែរ។ ចរិតដូចក្មេងបង ចាស់ហើយណាកុំធ្វើដូចក្មេងចឹង អត់សមនឹងមុខបងឯងទេ! ដឹងនៅ កុំភ្លេចណា ៣កុំ៣ការពារ ផងណា។»
ក្រោយសំណេរឆ្លើយតបរបស់កញ្ញា ស្រីពីន បានបង្ហោះតបតទៅកាន់ដៃគូសម្ដែងកំប្លែងរួមគ្នារឿង សន្ទូចឥតងៀង ក៏មានអ្នកគាំទ្រមួយចំនួនរបស់កញ្ញាបានចូលមកបង្ហាញការយល់ឃើញដែរថា៖
«ខឹងស្អប់យ៉ាងណាគាត់ជាមនុស្សប្រុស ជាតារា ជាបងមិនសមនឹង Post តាមបណ្ដាញសង្គមបែបនេះទេ ទោះខ្ញុំមិនដឹងរឿងក៏ដោយ សំខាន់គេឃើញគេសើចយំយើងណាបង»
«ទៅចឹងទៅបងប្រុស អស់ធំហើយ មានរឿងអីលាក់ក្នុងចិត្តទៅ ឬសួរនាំទៅ មិនបាច់ចាំប្រកូកប្រកាសនាំគេនិយាយដើម ឱ្យគេសើចវិញទេ»…
ងាកមកសាមីខ្លួនលោក អៀង ចេនឡា ដែលបានបង្ហោះសារស័ព្ទរហូតមានខមមិនឆ្លើយឆ្លងគ្នាទៅវិញទៅមក ហាក់នៅស្ងៀមមិនបានបញ្ចេញសកម្មភាពណាមួយតបតមកកាន់កញ្ញា ស្រីពីន វិញនោះទេ ខណៈស្រីពីនបានបន្តបង្ហោះសំណេរមួយបន្ថែមទៀតកាលពីយប់មិញនេះថា៖
«សុខចិត្តឱ្យគេច្រឡំ ថាយើងជាមនុស្សអាក្រក់ ក៏ប្រសើរជាងសម្ដែងធ្វើជាមនុស្សល្អ បានតែនៅនឹងមុខគេដែរ»។