ក្រុមបាល់ទាត់Daegu FC របស់កូរ៉េខាងត្បូង និងក្រុម Kawasaki Frontale របស់ជប៉ុន សុទ្ធតែបានយកឈ្នះគូប្រកួតដោយលទ្ធផល ៧ទល់០ ដូចគ្នា ក្នុងវគ្គជម្រុះតាមពូល I នៃពានរង្វាន់បាល់ទាត់ធំប្រចាំទ្វីបអាស៊ី សម្រាប់ក្លិបគឺ AFC Champion League 2021។
ប្រកួតទី២ក្នុងពូល I ដែលធ្វើឡើងនៅទឹកដីកណ្ដាល Tashkent ប្រទេសអ៊ូប៊ែគីស្ថាន នេះមាន៖
-Daegu FC ៧-០ United City
-Beijing Guoan ០-៧ Kawasaki Frontale
ពូល I នេះមាន៤ក្រុម រួមមាន Kawasaki Frontale របស់ជប៉ុន, Daegu Fcរបស់កូរ៉េខាងត្បូង, Beijing Guoan របស់ចិន និងUnited City របស់ហ្វីលីពីន។
ពានរង្វាន់ AFC Champion League 2021 ត្រូវបានសហព័ន្ធកីឡាបាល់ទាត់អាស៊ី បែងចែកជា២តំបន់ដោយក្នុងនោះមានតំបន់ភាគខាងលិច (សហព័ន្ធបាល់ទាត់អាស៊ីខាងលិច,សហព័ន្ធបាល់ទាត់អាស៊ីខាងត្បូងនិងសហព័ន្ធបាល់ទាត់អាស៊ីកណ្ដាល) ចំណែកតំបន់មួយទៀតគឺអាស៊ីខាងកើត (សហព័ន្ធបាល់ទាត់អាស៊ីខាងកើត និងសហព័ន្ធបាល់ទាត់អាស៊ាន)។
តំបន់អាស៊ីខាងលិច បានបញ្ចប់ការប្រកួតរួចរាល់ហើយនៅតាមពូលនីមួយៗ ដោយក្រុមខ្លាំង៖
-ពូល A៖ លេខ១ ក្រុម Istiklol របស់តាហ្ស៊ីគីស្ថាន លេខ២ ក្រុមAl Hilal របស់អារ៉ាប៊ីសាអ៊ូឌីត
-ពូល B៖ លេខ១ Sharjah របស់អារ៉ាប់រួម លេខ២ ក្រុមTractor របស់អ៊ីរ៉ង់
-ពូល C៖ លេខ១ ក្រុម Esteghlal អ៊ីរ៉ង់
-ពូល D៖ លេខ១ ក្រុម Al-Nassr របស់អារ៉ាប៊ីសាអ៊ូឌីត
-ពូល E៖លេខ១ ក្រុម Persepolis លេខ២ ក្រុម Al-Wahda របស់អារ៉ាប់រួម
អត្ថបទពាក់ព័ន្ធ៖ក្លិបបាល់ទាត់៣របស់អូស្ត្រាលី ដកខ្លួនចេញពីពាន AFC Champion League 2021
ចំណែកតំបន់ខាងកើត កំពុងតែដំណើរការប្រកួត៖
-ពូល G (ធ្វើនៅប្រទេសថៃ) ៖Nagoya Grampus (ជប៉ុន), Pohang Steelers (កូរ៉េខាងត្បូង) Johor Darul Ta’zim (ម៉ាឡេស៊ី) Ratchaburi Mitr Phol (ថៃ)
-ពូល H (ធ្វើនៅប្រទេសថៃ)៖Gamba Osaka (ជប៉ុន) Jeonbuk Hyundai Motors (កូរ៉េខាងត្បូង) Chiangrai United (ថៃ) Tampines Rovers (សិង្ហបុរី)
-ពូល I (ធ្វើនៅអ៊ូបេគីស្ថាន)៖ Kawasaki Frontale (ជប៉ុន) Daegu FC (កូរ៉េខាងត្បូង) Beijing Guoan (ចិន) និងUnited City (ហ្វីលីពីន)
-ពូល J (ធ្វើនៅថៃ)៖Cerezo Osaka (ជប៉ុន) Kitchee (ហុងកុង) Port (ថៃ) Guangzhou (ចិន)
