យោងតាមសារព័ត៌មានថៃ Sanook បានចុះផ្សាយថាប្អូនស្រីតារាសម្ដែងល្បី Pancake ដែលមានឈ្មោះថា Miki Ingkamol Jamikorn បានចេញមកប្រកាសប្រាប់ពីបច្ចុប្បន្នភាពអាការៈរបស់ខ្លួនថានៅធម្មតា ព្រមទាំងបង្ហើបឱ្យដឹងផងដែរថា បានចាក់វ៉ាក់សាំងគ្រប់ពីរដងរួចរាល់ហើយ។
សូមចុចអាន មុននេះបន្តិច តារាសម្ដែងល្បីថៃ PANCAKE ប្រកាសថាខ្លួនបានឆ្លងជំងឺកូវីដ-១៩!
ក្រោយតារាសម្ដែងល្បី Pancake បានប្រកាសដំណឹងថាខ្លួនបានឆ្លងជំងឺកូវីដ-១៩ ព្រមជាមួយនឹងសមាជិកគ្រួសារ៨នាក់ផ្សេងទៀត ក្នុងនោះមានម៉ាក់ កញ្ញា ប្អូនៗនិងក្មួយ៣នាក់ផ្សេងទៀត ដោយគ្រប់គ្នាពេលនេះបានទៅសំរាកព្យាបាលនៅមន្ទីរពេទ្យរួចរាល់អស់ហើយ។ Pancake ក៏បានប្រាប់ឱ្យដឹងដែរថាពេលនេះសុខភាពរបស់កញ្ញាលែងមានគ្រុន សួតវិញធម្មតា ឈាមក៏ដើរបានល្អ។
សូមចុចអាន ថ្មីៗ! គ្រួសារ Pancake ចាស់ និង ក្មេងសរុប ៨នាក់ ឆ្លងកូវីដ-១៩ ទាំងអស់ រួចខ្លួនតែម្នាក់
ខណៈប្អូនស្រីរបស់ Pancake ឈ្មោះ Miki បានចេញមកប្រកាសពីអាការៈខ្លួនតាមរយៈ IG ដោយបញ្ជាក់យ៉ាងច្បាស់ថា ខ្លួនបានចាក់វ៉ាក់សាំងរួចរាល់គ្រប់ពីរដង តែនៅតែឆ្លងជំងឺកូវីដ-១៩។
« ថ្ងៃនេះអាការៈបានធូរស្រាលច្រើន។ គិតថាអាចមួយចំណែកអាចដោយសារតែបានចាក់វ៉ាក់សាំងរួច។ ដឹងស្រាប់ហើយមុននឹងចាក់វ៉ាក់សាំងនេះថាមិនអាចការពារកូវីដ-១៩ បាន១០០% ទេតែបើឆ្លងកូវីដអាការៈនឹងមិនធ្ងន់ធ្ងរ។ ជម្រាបឱ្យបានដឹងថា Miki ចាក់វ៉ាក់សាំង Sinovac គ្រប់២ដង បានរយៈពេល១ខែហើយ ក្រោយពីពិនិត្យឃើញកូវីដ-១៩ Miki មិនមានគ្រុននោះទេ មានតែឈឺក ក្អក ស្លេះ តឹងច្រមុះ គ្មានក្លិន ទទួលរសជាតិអាហារបាន មេរោគមិនបានចូលដល់សួតនោះទេ អាការៈបានធូរស្រាលច្រើនជាបណ្ដើរៗ។ រៀនហ្វឹកហាត់ដង្ហើមតាមដែលគ្រូពេទ្យណែនាំ ញ៉ាំទឹកឱ្យបានច្រើន ញ៉ាំបាយ ញ៉ាំថ្នាំ និងសំរាក»
អ្នកគាំទ្រនិងអ្នកស្និទ្ធស្នាលនឹងគ្រួសារកញ្ញា Pancake បានចូលមកលើកទឹកចិត្ត និង ផ្ដល់កម្លាំងចិត្តឱ្យគ្រួសារតារាល្បីនេះឆាប់ជាសះស្បើយ៕