នៅរសៀលថ្ងៃសុក្រ ទី១៧ ខែមីនា ឆ្នាំ២០២៣ សហព័ន្ធកីឡាបាល់ទាត់កម្ពុជា បានបញ្ចេញបញ្ជីឈ្មោះកីឡាករ ជម្រើសជាតិកម្ពុជា អាយុក្រោម២២ឆ្នាំ សរុប២៤នាក់ ត្រៀមសម្រាប់ការបោះជំរុំហ្វឹកហាត់ដំណាក់កាលទី២ និងចូលរួមពានរង្វាន់ Merlion Cup 2023 ចាប់ពីថ្ងៃទី២០ ដល់ថ្ងៃទី២៧ ខែមីនា ឆ្នាំ២០២៣ នៅប្រទេសសិង្ហបុរី។
ក្នុងនោះកីឡាករចំនួន៦នាក់ដែលមានដូចជា៖ សារ ទី (បញ្ហារបួស), ទេព ហ្វីលីព, វុំាង ដាវីន, អ៊ីម វ៉ាឃីម, រី លាភផេង និង អ៊ាន ពិសី ត្រូវបានដកចេញពីបញ្ជីឈ្មោះសម្រាប់ការបោះជំរុំហ្វឹកហាត់ដំណាក់កាលទី២ មុនស៊ីហ្គេម។
ខាងក្រោមនេះគឺបញ្ជីឈ្មោះកីឡាករជម្រើសជាតិកម្ពុជា អាយុក្រោម២២ឆ្នាំ ទាំង២៤នាក់៖
ការប្រកួតពានរង្វាន់ Merlion Cup 2023 នឹងចាប់ផ្តើមការប្រកួតនៅថ្ងៃទី២៤ ខែមីនា នេះដោយមាន ៤ក្រុមនឹងចូលរួមប្រកួត ក្នុងនោះមានក្រុមម្ចាស់ផ្ទះ U22សិង្ហបុរី U22ម៉ាឡេស៊ី U22ហុងកុង និង U22កម្ពុជា។
ខាងក្រោមនេះជាតម្លៃសំបុត្រ ពានរង្វាន់ Merlion Cup 2023 នៅប្រទេសសិង្ហបុរី៖
ប្រភេទសំបុត្រទី១ តម្លៃពេញ ១២ដុល្លារ សម្រាប់មនុស្សពេញវ័យ បញ្ចុះតម្លៃសល់ ៨ដុល្លារ
ប្រភេទសំបុត្រទី២ តម្លៃពេញ ១០ដុល្លារ សម្រាប់មនុស្សពេញវ័យ បញ្ចុះតម្លៃសល់ ៦ដុល្លារ
ប្រសិនបើទិញមុនថ្ងៃទី១៩ នឹងមានការបញ្ចុះតម្លៃ ៣០% គ្រាប់ប្រភេទសំបុត្រ។
សម្រាប់ក្រុមជម្រើសជាតិកម្ពុជា អាយុ២២ឆ្នាំ នឹងត្រូវជួបជាមួយក្រុមជម្រើសជាតិម៉ាឡេស៊ី អាយុ២២ឆ្នាំ នៅថ្ងៃទី២៤ ខែមីនា ឆ្នាំ២០២៣ នៅវេលាម៉ោង ៤.០០នាទីរសៀល ខណៈម្ចាស់ផ្ទះសិង្ហបុរី អាយុ២២ឆ្នាំ នឹងត្រូវជួបក្រុមជម្រើសជាតិហុងកុង អាយុ២២ឆ្នាំ វេលាម៉ោង ៧.៣០ នាទីយប់នៅកីឡដ្ឋាន Jalan Besar Stadium ប្រទេសសិង្ហបុរី។
រូបមន្តប្រកួតនឹងយកក្រុមទាំង៤ ចាប់គូគ្នា ប្រកួតថ្ងៃទី១ ហើយថ្ងៃទី២ ក្រុមឈ្នះ នឹងត្រូវប៉ះគ្នា ដណ្តើមយកជើងឯក ហើយក្រុមដែលចាញ់ត្រូវប្រកួតគ្នាយកចំណាត់ថ្នាក់លេខ៣។
ពានរង្វាន់ Merlion Cup បង្កើតឡើងដំបូងនៅឆ្នាំ ១៩៨២ ខណ:អូស្ត្រាលី ឈ្នះច្រើនជាងគេ២លើកឆ្នាំ ១៩៨២/៨៣, អ៊ីរ៉ាក់ នៅឆ្នាំ១៩៨៤, យូហ្គោស្លាវី នៅឆ្នាំ១៩៨៥, ចិន នៅឆ្នាំ១៩៨៦, កូរ៉េខាងត្បូង ឈុតB នៅឆ្នាំ ១៩៩២, Liverpool នៅឆ្នាំ២០០៩ និងចុងក្រោយ U-22 សិង្ហបុរី នៅឆ្នាំ២០១៩៕
