ភ្នំពេញ៖កម្លាំងការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ នៅព្រឹកថ្ងៃទី២៣ ខែមីនាឆ្នាំ២០២៣ បានចាប់បញ្ជូនខ្លួនជនសង្ស័យ៥នាក់ ទៅសាលាដំបូងរាជធានីភ្នំពេញដើម្បីសាកសួរពាក់ព័ន្ធនឹង ករណីឆក់ទ្រព្យសម្បត្តិរបស់អ្នកដទៃ ចំនួន១០ករណី ហើយកម្លាំងសមត្ថកិច្ចឃាត់ខ្លួនជាបន្តបន្ទាប់ចំនួន០៥នាក់ កាលពីនៅថ្ងៃទី១៩ ខែមីនា ឆ្នាំ២០២៣។
យោងតាមរបាយការណ៍បង្ហាញថា ជនសង្ស័យធ្លាប់ធ្វើសកម្មភាពជាបន្តបន្ទាប់រួមមាន៖
ករណីទី១៖ ឆក់ទូរសព្ទ័ដៃ នៅចំណុចខាងលិចអាគារវឌ្ឍនៈ ផ្លូវព្រះមុន្នីវង្ស សង្កាត់វត្តភ្នំ ខណ្ឌដូនពេញ រាជធានីភ្នំពេញ កាលពីថ្ងៃទី១៩ ខែមីនា ឆ្នាំ២០២៣ វេលាម៉ោង១៩:០៣នាទី។
ករណីទី២៖ ឆក់ទូរសព្ទ័ដៃម៉ាកអាយហ្វូន១២ប្រូ ពណ៌ សំបកឪឡឹក នៅចំណុចមុខសណ្ឋាគារផ្ទះលេខ៨៥អឺ០ ផ្លូវលេខ១៤៨កែង១៩ ភូមិ០៩ សង្កាត់ផ្សារកណ្តាល២ ខណ្ឌដូនពេញ រាជធានីភ្នំពេញ កាលពីថ្ងៃទី១៧ ខែកុម្ភៈ ឆ្នាំ២០២៣ វេលាម៉ោង០២:០០ នាទី។
ករណីទី៣៖ ឆក់ទូរសព្ទ័ដៃម៉ាកអាយហ្វូន១១ ពណ៌ ខ្មៅ នៅចំណុចហាងលក់ស៊ុប ផ្លូវលេខ២១៧ ភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ កាលពីថ្ងៃទី១៨ ខែមីនា ឆ្នាំ២០២៣ វេលាម៉ោង ១៩:១០ នាទី។
ករណីទី៤៖ ឆក់ទូរសព្ទ័ដៃទូរសព្ទ័ដៃម៉ាកអុបប៉ូ ពណ៌ ខ្មៅ នៅចំណុចក្រោយផ្សារអ៊ីអន១ ផ្លូវសប៊ិត សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីថ្ងៃទី១៤ ខែមីនា ឆ្នាំ២០២៣ វេលាម៉ោងប្រហែល០១:៣០ នាទី។
ករណីទី៥៖ ឆក់ទូរសព្ទ័ដៃម៉ាកអាយហ្វូន១១ ពណ៌សំបកឪឡឹក) ប្រព្រឹត្តនៅចំណុចមុខហាងDOS ផ្លូវសប៊ិត សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីថ្ងៃទី១៦ ខែមីនា ឆ្នាំ២០២៣ វេលាម៉ោងប្រហែល០១:៣០ នាទី។
ករណីទី៦៖ ឆក់ទូរសព្ទ័ដៃម៉ាកអាយហ្វូន១២ប្រូម៉េក ពណ៌សំបកឪឡឹក នៅចំណុចមុខវិទ្យាល័យវត្តភ្នំ ផ្លូវលេខ៤៧ សង្កាត់ស្រះចក ខណ្ឌដូនពេញ រាជធានីភ្នំពេញ កាលពីថ្ងៃទី១៦ ខែមីនា ឆ្នាំ២០២៣ វេលាម៉ោងប្រហែល ៣:៣០ នាទី។
ករណីទី៧៖ ឆក់ទូរស័ព្ទដៃម៉ាកអាយហ្វូន១១ប្រូ ពណ៌ ស នៅចំណុចហាងDOS ផ្លូវសប៊ិត សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីថ្ងៃទី១៥ ខែកុម្ភៈ ឆ្នាំ២០២៣ វេលាម៉ោង០១:៣០នាទី ទៀបភ្លឺ។
ករណីទី៨៖ ឆក់ទូរស័ព្ទអុបប៉ូ(OPPO) ពណ៌ ខៀវ) នៅចំណុចមុខព្រះបរមរាជវាំង ផ្លូវព្រះស៊ីសុវត្ថិ សង្កាត់ចតុមុខ ខណ្ឌដូនពេញ រាជធានីភ្នំពេញ កាលពីថ្ងៃទី១៦ ខែកុម្ភៈ ឆ្នាំ២០២៣ វេលាម៉ោង០២:៣០នាទី ទៀបភ្លឺ។
ករណីទី៩៖ ឆក់ទូរស័ព្ទដៃម៉ាកអាយហ្វូន១៣ ប្រូមិច នៅនៅចំណុចមុខម៉ាតមិនចាំយីហោ សង្កាត់បឹងកេងកង ខណ្ឌបឹងកេងកង រាជធានីភ្នំពេញ កាលពីថ្ងៃទី១២ ខែមីនា ឆ្នាំ២០២៣ វេលាម៉ោង១៨:៣០នាទី ។
ករណីទី១០៖ ឆក់ទូរសព្ទ័ដៃម៉ាកអាយហ្វូន៧ផ្លឹស ពណ៌ ខ្មៅ នៅចំណុចលើផ្លូវលេខ៣១០ សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ កាលពីថ្ងៃទី១៥ ខែមីនា ឆ្នាំ២០២៣ វេលាម៉ោងប្រហែល១៨:៤០ នាទី។
ជនសង្ស័យចំនួន០៥នាក់ដែលសមត្ថកិច្ចឃាត់ខ្លួនបានរួមមាន៖
១-ឈ្មោះ ឃួយ គង់ម៉េង ភេទប្រុស ជនជាតិ ខ្មែរ មុខរបរ នៅផ្ទះ ស្នាក់នៅផ្ទះជួលលេខ៨ ផ្លូវបេតុង សង្កាត់ដង្កោ ខណ្ឌដង្កោ រាជធានីភ្នំពេញ។
២-ឈ្មោះ សាន ភត្រ្តា ភេទប្រុស ជនជាតិខ្មែរ មុខរបរ សិស្ស ស្នាក់នៅផ្ទះលេខ១២៣ ផ្លូវវេងស្រេង សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ។
៣-ឈ្មោះ ធី ម៉េងហុង ភេទប្រុស ជនជាតិខ្មែរ មុខរបរ កម្មកររោងចក្រ ស្នាក់នៅផ្ទះមិនចាំលេខ ផ្លូវបេតុង សង្កាត់ចោមចៅ១ ខណ្ឌពោធិសែនជ័យ រាជធានីភ្នំពេញ។
៤-ឈ្មោះ ចាន់ ធារិទ្ធ ភេទ ប្រុស ជនជាតិ ខ្មែរ មុខរបរ នៅផ្ទះ ស្នាក់នៅផ្ទះមិនចាំលេខ ផ្លូវលេខ១៦៣ កែង នឹងផ្លូវ ៣៣០ ស្ថិតក្នុងសង្កាត់បឹងកេងកង៣ ខណ្ឌបឹងកេងកង រាជធានីភ្នំពេញ។
៥-ឈ្មោះ លី សុភាព ភេទ ប្រុស ជនជាតិ ខ្មែរ មុខរបរ សិស្ស ស្នាក់នៅផ្ទះលេខ៨៦ ផ្លូវលេខ១ សង្កាត់ដង្កោ ខណ្ឌដង្កោ រាជធានីភ្នំពេញ។
វត្ថុតាងចាប់យក៖ ម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០២២ ពាក់ផ្លាកលេខ ភ្នំពេញ១JA-៦២០៦, ម៉ូតូម៉ាកស៊ុយហ្ស៊ុយគីនិច ពណ៌ ទឹកប្រាក់ សេរីឆ្នាំ២០១៨ ពាក់ផ្លាកលេខ តាកែវ១O-៩២៦៧, ម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០១២ ពាក់ផ្លាកលេខ កំពង់ឆ្នាំង១C-៦៥០៤ ។
ក្រោយការចាប់ខ្លួននោះ ជនសង្ស័យ និងវត្ថុតាងទាំងអស់ ត្រូវកម្លាំងជំនាញការិយាល័យកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធី៕
អត្ថបទ៖ចតុមុខ