នេះអាចចាត់ទុកជាមោទភាពមួយសម្រាប់ប្រជាជនកម្ពុជា ដែលកូនខ្មែរមិនមួយរូបកំពុងតែកសាងបាននូវប្រជាប្រិយភាពនៅលើទឹកដីនៃព្រះរាជាណាចក្រថៃ ក្នុងនាមជាតារាចម្រៀង ដោយបទចម្រៀងទីមួយរបស់ កែវ តារា TikTok រកបានចំនួន Views រហូតដល់ ១.៣ លានដងហើយ គិតត្រឹមព្រឹកថ្ងៃទី២ ខែកក្កដា ឆ្នាំ២០២១ នេះ។
បទចម្រៀង «ចង់បាននាង» ឬ «จองบานเนียง» សរសេរជាភាសាថៃ អានជាភាសាខ្មែរ របស់ក្រុមកំលោះភ្នំពេញ (Phnom Penh) ដែលមានសមាជិកសរុប៤ រូប (ខ្មែរ៣នាក់ ថៃ១នាក់) ក្នុងនោះមាន កែវ តារា TikTok ម្នាក់ផងនោះ បានបង្ហោះឱ្យអ្នកគាំទ្របានចូលស្ដាប់កម្សាន្តលើឆាណែល យូធូប កាលពីថ្ងៃទី១៩ ខែមិថុនា ឆ្នាំ២០២១ ហើយទទួលបានការគាំទ្រ និង កោតសរសើរពីសំណាក់អ្នកស្ដាប់ពិសេស អ្នកគាំទ្រទាំងថៃ និង ខ្មែរ។
សូមចុចអាន ចម្រៀង «จองบานเนียง» ដោយក្រុម Phnom Penh boy សមាជិកខ្មែរ៣ ថៃ១ កំពុងល្បីខ្លាំង!
អ្វីដែលគួរឱ្យចាប់អារម្មណ៍នោះ កែវ មិនត្រឹមតែច្រៀងជាភាសាថៃនោះទេ តែថែមទាំងបានដាក់បញ្ចូលនូវប៉ារ៉ូលច្រៀង RAP ជាភាសាខ្មែរបានយ៉ាងល្អនិងស្ទាត់ជំនាញ ប្រៀបដូចជាអ្នកចម្រៀង រ៉េប អាជីពដូច្នោះដែរ។
គួរដឹងដែរថា កែវ បច្ចុប្បន្នមានអាយុ២៣ឆ្នាំ គ្រួសាររបស់ប្អូនប្រុសមិនមានស្រែចំការសម្រាប់ដាំដុះ ម្យ៉ាងជំពាក់បំណុលគេផងនោះ ទើបម្ដាយរបស់កែវ សម្រេចចិត្តចំណាកស្រុកទៅប្រទេសថៃដើម្បីរកប្រាក់ផ្ញើមកសងបំណុលម្ចាស់បំណុលនៅស្រុកខ្មែរ។ កែវ បានចេញទៅនៅប្រទេសថៃបានចំនួន ៥ឆ្នាំហើយ ដោយធ្វើការងារជាកម្មករសំណង់ ផ្នែកលាបថ្នាំ ប៉ុន្តែដោយសារបច្ចុប្បន្ន កែវ ល្បីឈ្មោះមានអ្នកគាំទ្រច្រើនធ្វើឱ្យគេមានឱកាសបានថតសម្ដែង MV ថតផ្សាយពាណិជ្ជកម្ម និងជួយ Review ផលិតផលពីបណ្ដាក្រុមហ៊ុនផ្សេងៗ និង ចុងក្រោយនេះបង្កើតជាក្រុមចម្រៀងមួយមានឈ្មោះថា Phnom Penh Boy៕
ចូលរួមទស្សនាបទ «ចង់បាននាង» ដើម្បីជាកម្លាំងចិត្តដល់ កែវ វីដេអូខាងក្រោមនេះ ៖