នៅមុននេះបន្តិចតារាចម្រៀងសំឡេងផ្អែម អតីតម្ចាស់ពាន Cambodia Idol រដូវកាលទីមួយលោក នី រតនា បានប្រកាសឱ្យដឹងថាលោក និង ភរិយានឹងបើកបេះដូងនិយាយរឿងរ៉ាវស្នេហ៍ក្នុងកម្មវិធី 3Fun។
យោងតាមរយៈហ្វេសប៊ុករបស់តារាចម្រៀងប្រចាំផលិតកម្មហង្សមាសខាងលើ នៅថ្ងៃទី២ ខែកក្កដា នេះលោកបានចែករំលែកឱ្យដឹងថាលោក និងភរិយាបណ្ដូលចិត្តនឹងមានវត្តមានក្នុងកម្មវិធី 3Fun ដោយនៅក្នុងកម្មវិធីនោះ អ្នកទាំងពីរនឹងធ្វើការរៀបរាប់ពីកំណើតស្នេហ៍ផ្អែមល្ហែមឱ្យប្រិយមិត្តទស្សនិកជនបានដឹងនៅក្នុងកម្មវិធីនោះផងដែរ។ លោក នី រតនា ក៏មិនភ្លេចផ្ដាំផ្ញើឱ្យអ្នកគាំទ្រនិងមិត្តភក្ដិ រឿងរ៉ាវរបស់លោកនិង ភរិយា នៅថ្ងៃស្អែក តាមរយៈឆាណែល យូធូប 3Fun។
«នាំព្រះនាងរបស់ខ្ញុំចូល 3fun channel cambodia ចង់ដឹងរឿងរ៉ាវស្វីតៗ ជួបគ្នាថ្ងៃសៅរ៍ស្អែកនេះណា»
ប្រិយមិត្តអ្នកគាំទ្រចង់ដឹងប្រវត្តិស្នេហ៍ និង ភាពផ្អែមល្ហែមរបស់តារាប្រុសរូបសង្ហា និង ភរិយាដ៏ស្រស់ប្រិមប្រិយរបស់លោក កុំភ្លេចរង់ចាំតាមដានទស្សនានៅថ្ងៃស្អែកនេះទាំងអស់គ្នា។