អតីតអាជ្ញាកណ្ដាល FIFA កម្ពុជា លោក លឹម ប៊ុនធឿន បន្តកាន់កញ្ច៉ែជាអាជ្ញាកណ្តាល ក្នុងពានរង្វាន់សម្តេចតេជោ ហ៊ុន សែន លើកទី១៧ ឆ្នាំ២០២៣-២០២៤ (ថ្នាក់ខេត្ត) ក្នុងការប្រកួតរវាង មន្ទីរ អយក ខេត្តកំពង់ចាម ប៉ះ មន្ទីរ អយក ខេត្តត្បូងឃ្មុំ កាលពីថ្ងៃទី២៩ ខែមីនា ឆ្នាំ២០២៣។
អត្ថបទពាក់ព័ន្ធ៖អាជ្ញាកណ្ដាលធ្លាប់បង្ហាញខ្លួននៅ Champions League ចូលប្រកួតពាន Hun Sen Cup ថ្នាក់ខេត្ត
ពានរង្វាន់សម្តេចតេជោ ហ៊ុន សែន លើកទី១៧ ឆ្នាំ២០២៣-២០២៤ (ថ្នាក់ខេត្ត) បានចាប់ផ្ដើមធ្វើការប្រកួតសប្ដាហ៍ទី១ ហើយកាលពីថ្ងៃទី២៨ មីនា ២០២៣ ខណ: លោក លឹម ប៊ុនធឿន បន្តកាន់កញ្ច៉ែជាអាជ្ញាកណ្តាល ក្នុងការប្រកួតរវាង មន្ទីរ អយក ខេត្តត្បូងឃ្មុំ ឈ្នះ មន្ទីរ អយក ខេត្តកំពង់ចាម ក្នុងលទ្ធផល ១-០។ បច្ចុប្បន្ន ខេត្តកមពង់ស្ពឺ ឈរនៅកំពូលតារាង ពូល ក មាន ៣ពិន្ទុ និងខេត្តត្បូងឃ្មុំឈរកំពូលតារាង ពូលខ មាន ៣ពិន្ទុ។
លោក លឹម ប៊ុនធឿន ជាប់ឈ្មោះក្នុងបញ្ជីអាជ្ញាកណ្ដាលកម្រិតអន្តរជាតិឆ្នាំ ២០១៥ ដែលទទួលស្គាល់ដោយសហព័ន្ធកីឡាបាល់ទាត់អន្តរជាតិ (FIFA) ជាមួយ លោក ទុយ វិច្ឆិកា និង លោក ថោង ច័ន្ទកិត្យា។
រឿងដែលជាប់ក្នុងកំណត់ត្រាអាជ្ញាកណ្តាលកម្រិតទ្វីបអាស៊ី នោះលោក ជាអាជ្ញាកណ្តាលម្នាក់ក្នុងចំណោម៣នាក់របស់កម្ពុជា ដែលបានជាន់ទីលាននៃការប្រកួតពានរង្វាន់កម្រិតខ្ពស់ AFC Champios League បន្ទាប់ពីលោក ថោង ច័ន្ទកិត្យា និង ទុយ វិច្ឆិកា។
សម្រាប់លោក លឹម ប៊ុនធឿន បានជាប់ឈ្មោះជាមន្រ្តីអាជ្ញាកណ្តាលទី៤ ក្នុងពានរង្វាន់ AFC Champions League និង AFC Cup កាលពីឆ្នាំ ២០១៧។ ក្រៅពីនោះបុរសវ័យ៤២ឆ្នាំរូបនេះ ក៏ធ្លាប់កាត់សេចក្តីនៅកីឡដ្ឋាន New Laos National Stadium ក្នុងទីក្រុងវៀងចន្ទន៍ ជំនួបមិត្តភាពអន្តរជាតិរវាងម្ចាស់ផ្ទះ ឡាវ ប៉ះ អាហ្វហ្គានីស្ថាន កាលពីឆ្នាំ ២០១៥៕