ពានរង្វាន់សម្តេចតេជោ ហ៊ុន សែន លើកទី១៧ ឆ្នាំ២០២៣-២០២៤ (ថ្នាក់ខេត្ត) ចាប់ផ្ដើមធ្វើការប្រកួតសប្ដាហ៍ទី២ហើយ ដោយកាលពីល្ងាចមិញនេះ គឺមានការប្រកួតចំនួន២ ធ្វើឡើងនៅ២ទីលានផ្សេងគ្នា។
លទ្ធផលសម្រាប់ការប្រកួតនៅក្នុងពូលD៖
ខេត្តព្រះវិហារ ២-២ ខេត្តមណ្ឌលគិរី នៅទីលានវិទ្យាល័យ ជា ស៊ីម ត្បែងមានជ័យ
ខេត្តសៀមរាប ២-៣ ខេត្តរតនគិរី កីឡដ្ឋានខេត្តសៀមរាប។
សម្រាប់ប្រាក់រង្វាន់ ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៧ ឆ្នាំ២០២៣-២០២៤ (ថ្នាក់ខេត្ត) មានដូចខាងក្រោម៖
១. ក្រុមជើងឯក ទទួលបានប្រាក់រង្វាន់ ២០លានរៀល
២. ក្រុមជើងឯករង ទទួលបានប្រាក់រង្វាន់ ១០លានរៀល
៣. ក្រុមលេខ៣ ទទួលបានប្រាក់រង្វាន់ ៨លានរៀល
៤. កីឡាករទាត់ចូលទីច្រើនជាងគេ ទទួលបានប្រាក់រង្វាន់ ២លានរៀល
៥. អ្នកចាំទីល្អជាងគេ ទទួលបានប្រាក់រង្វាន់ ២លានរៀល
៦. គ្រូបង្វឹកល្អជាងគេ ទទួលបានប្រាក់រង្វាន់ ២លានរៀល
សូមបញ្ជាក់ថា ពានរង្វាន់សម្តេចតេជោ ហ៊ុន សែន លើកទី១៧ ឆ្នាំ២០២៣-២០២៤ (ថ្នាក់ខេត្ត) ធ្វើឡើងចាប់ពីថ្ងៃទី២៨ មីនា ២០២៣ រហូតដល់ ថ្ងៃទី៧ តុលា ២០២៣ ដោយមានក្រុមចំនួន២០ចូលរួមប្រកួត បែងចែកជា៤ពូល៖ ក, ខ, គ, ឃ។
គួររំលឹកថា ចាប់តាំងពីបង្កើតបន្ថែមនូវពានរង្វាន់ សម្ដេចអគ្គមហាសេនាបតីតេជោ ហ៊ុន សែន ថ្នាក់ខេត្ត ក្នុងឆ្នាំ២០១៨ មកដល់ឆ្នាំ២០២២កន្លងទៅ មានក្រុមចំនួន៥ ផ្សេងគ្នាបានគ្រងតំណែងជើងឯក ដែលក្នុងនោះ មានយុវជនសាលាបាល់ទាត់ជាតិបាទីអាយុក្រោម១៨ឆ្នាំ, ខេត្តត្បូងឃ្មុំ, ព្រៃវែងអេហ្វស៊ី, កោះកុងអេហ្វស៊ី និងភ្នំពេញហ្គាឡាក់ស៊ី៕