កាលពីយប់មិញតារាសម្ដែងប្រចាំផលិតកម្ម សាស្ត្រាហ្វៀម លោក ព្រីនស៍ (Prince) បានប្រកាសថាលោកបានឆ្លងជំងឺកូវីដ-១៩ និងកំពុងសម្រាកព្យាបាល នៅថ្ងៃតី៣ ខែកក្កដានេះ កញ្ញា រចនា រ៉ាវ៉ាឌី តារាសម្ដែងក្នុងផលិតកម្មជាមួយគ្នា ហើយក៏ជាដៃគូសម្ដែងដ៏ស័ក្តិសមគ្នានោះក៏បានឆ្លងនូវជំងឺកូវីដ-១៩ ដែរ។
សូមចុចអាន តារាប្រុសសង្ហា! លោក ព្រីនស៍ (Prince) វិជ្ជមានកូវីដ-១៩ ទាំងដែលបានចាក់វ៉ាក់សាំងគ្រប់ដូស
ក្រោយសាមីខ្លួនកញ្ញា រចនា រ៉ាវ៉ាឌី បានបង្ហោះសំណេរបង្ហាញពីភាពរឹងមាំរបស់ខ្លួននៅបណ្ដាញសង្គម ចែករំលែកឱ្យមិត្តភក្ដិ និង អ្នកគាំទ្របានដឹងពីអាការៈនិងសុខភាពរបស់ខ្លួន តារាសម្ដែង មុំ សុទ្ធារ៉ា ដែលធ្លាប់ជាអតីតដៃគូសម្ដែងមួយរូបរបស់ រចនា រ៉ាវ៉ាឌី ក៏បានចេញមកផ្ញើសំណេរជូនពរ ក៏ដូចជាលើកទឹកចិត្តដល់កញ្ញា។
យោងតាមការបង្ហោះសំណេរលើកទឹកចិត្តពីអតីតដៃគូសម្ដែងជាមួយគ្នាគឺលោក មុំ សុទ្ធរ៉ា បានបង្ហោះនៅលើហ្វេសប៊ុកផ្ទាល់ខ្លួនរបស់លោកដែលមានអត្ថន័យលើកទឹកចិត្តដោយមាន Mention ឈ្មោះកញ្ញា រចនា រ៉ាវ៉ាឌី (Tag Name) និងរូបថតជាមួយគ្នាចំនួន៣សន្លឹកដើម្បី ផ្ដល់កម្លាំងចិត្តកញ្ញា ព្រមទាំងរំលេចនូវការប្រកាន់ខ្ជាប់អនុសាសន៍ ៣កុំនិង៣ការពារ។
«ប្អូនស្រីបងជាមនុស្សរឹងមាំ អ្វីក៏គាត់អាចតតាំងបានដែរ ឆាប់ជាណា#ជំងឺនេះជាជំងឺសាហាវដែលយេីងមិនអាចមេីលឃេីញមុន ពួកយេីងត្រូវចូលរួមការពារអោយបានទាំងអស់គ្នាណា រចនា រ៉ាវាឌី រចនារ៉ាវាឌី #ប្រកាន់អោយជាប់នូវអនុសាសន៍៣កុំ៣ការពារ»
