គិតត្រឹមពេលនេះកម្មវិធីប្រកួតនៃពានរង្វាន់បាល់ទាត់ជើងឯកទ្វីបអឺរ៉ុប UEFA Euro 2020 បានឈានដល់វគ្គពាក់កណ្ដាលផ្ដាច់ព្រ័ត្រ ស្របពេលដែលក្រុមជម្រើសជាតិអង់គ្លេស ត្រូវប៉ះដាណឺម៉ា ហើយក្រុមអ៊ីតាលី ជួបអេស្ប៉ាញ។
លទ្ធផលវគ្គ៨ក្រុមចុងក្រោយមាន៖
-ស្វីស ១-១ (១-៣) អេស្ប៉ាញ
-បែលហ្សិក ១-២ អ៊ីតាលី
-ឆែក ១-២ ដាណឺម៉ាក
-អ៊ុយក្រែន ០-៤ អង់គ្លេស
សម្រាប់កម្មវិធីប្រកួតវគ្គពាក់កណ្ដាលផ្ដាច់ព្រ័ត្រនិងផ្ដាច់ព្រ័ត្រដែលនៅចុងក្រោយនេះវិញធ្វើឡើងនៅកីឡដ្ឋាន Wembley Stadium ក្នុងទីក្រុងឡុងដុង ប្រទេសអង់គ្លេស វិញ។ ចំពោះវគ្គពាក់កណ្ដាលផ្ដាច់ព្រ័ត្រគឺ៖
-៧ កក្កដា ២០២១ – អ៊ីតាលី Vs អេស្ប៉ាញ – ម៉ោង២រំលងអាធ្រាត្រ
-៨ កក្កដា ២០២១ – អង់គ្លេស Vs ដាណឺម៉ាក – ម៉ោង២រំលងអាធ្រាត្រ
បើទោះជាក្រុមត្រូវធ្លាក់ចេញត្រឹមវគ្គ៨ក្រុមចុងក្រោយ មែនតែកីឡាករ Patrik Schickរបស់សាធារណរដ្ឋឆែក រកបានគ្រាប់បាល់បន្ថែម១គ្រាប់ទៀត តាមស្មើកីឡាករ Cristiano Ronaldo របស់ព័រទុយហ្គាល់ ក្នុងបញ្ជីអ្នកទាត់បាល់បញ្ចូលទីបានច្រើនគ្រាប់ជាងគេ។
ពានរង្វាន់ UEFA Euro 2020 ត្រូវរៀបចំឡើងតាំងពីឆ្នាំ២០២០ មកម៉្លេះ ប៉ុន្តែដោយដោយសារតែស្ថានភាពកូវីដ-១៩ ទើបត្រូវលើកពេល។ ការប្រកួតចាប់ពីថ្ងៃទី១១ខែមិថុនា ដល់ថ្ងៃទី១១ ខែកក្កដា ឆ្នាំ២០២១ មាន២៤ក្រុមចូលរួមចែកជា៦ពូល ក្នុង១ពូលមាន៤ក្រុម។ ក្រុមទាំង៦ ពូលចម្រាញ់យក១៦ក្រុមចុងក្រោយឡើងទៅវគ្គបន្ត ហើយប្រកួតគ្នាជម្រុះរហូតដល់វគ្គផ្ដាច់ព្រ័ត្រ៕