នេះគឺជាមោទកភាពមួយទៀត សម្រាប់ព្រះរាជាណាចក្រកម្ពុជា ដែលបច្ចុប្បន្ន បទចម្រៀង និង តារាចម្រៀងកម្ពុជាជាច្រើនរូប កំពុងល្បីល្បាញ មានប្រជាជនថៃចាប់អារម្មណ៍ច្រើន យ៉ាងណាមិញបុគ្គលល្បីចុងក្រោយដែលកំពុងតែឆក់បានបេះដូងអ្នកគាំទ្រជនជាតិថៃ រហូតធ្វើឱ្យមានសារព័ត៌មានថៃចាប់អារម្មណ៍យកទៅចុះផ្សាយនោះ គឺអ្នកអង្គម្ចាស់តូច នរោត្តម ជេនណា តាមរយៈការច្រៀង Cover បទ «Koo Gud» របស់តារាចម្រៀងល្បីរបស់ថៃ Bird Thongchai។
សូមចុចអាន ព្រះនាងម្ចាស់តូច នរោត្តម ជេនណា កាត់សក់ម៉ូដខ្លី យ៉ាងស្អាត ព្រោះតែច្រៀងបទចម្រៀងថៃលាយចិន!
បទចម្រៀង Cover ថ្មី «Koo Gud» ដែលព្រះនាងម្ចាស់យកមកបកស្រាយថ្មីនោះ បានច្នៃច្រៀងជាពីរភាសាបានយ៉ាងពីរោះ គួរជាទីស្ដាប់ រហូតជនជាតិថៃជាច្រើនរូបបានធ្វើ Reaction កោតសរសើរព្រះនាងម្ចាស់ ដែលអាចបកស្រាយបទចម្រៀងទាំងភាសាថៃ និង ភាសាចិន បានយ៉ាងល្អ ពិសេសកាយវិការ រស់រវើក គួរឱ្យស្រលាញ់ របស់ទ្រង់បានឆក់យកបេះដូងជនជាតិថៃយ៉ាងច្រើនឱ្យក្លាយជាអ្នកគាំទ្រព្រះនាងតូច។
សារព័ត៌មាន Sanook បានចុះផ្សាយថា ព្រះនាងម្ចាស់តូច ទ្រង់ប្រសូតនៅថ្ងៃទី ១១ ខែមីនា ឆ្នាំ ២០១៣ នៅទីក្រុងប៉ារីស ជាព្រះបុត្រីរបស់ ព្រះអង្គម្ចាស់ បុប្ផារី មានព្រះបិតាជាជនជាតិបារាំង ព្រះអង្គជាព្រះនត្តា សម្តេចព្រះមហិស្សរា នរោត្តម ចក្រពង្ស និងជាព្រះរាជនត្តាទួត របស់ព្រះបរមរតនកោដ្ឋ នរោត្តម សីហនុ ទ្រង់មានឋានៈជា «ព្រះអង្គម្ចាស់» ដោយជនជាតិខ្មែរស្គាល់និងហៅទ្រង់ «ព្រះនាងម្ចាស់តូច»
ព្រះនាងម្ចាស់តូច ជេនណា និងគ្រួសារបានត្រលប់មករស់នៅប្រទេសកម្ពុជា កាលពីឆ្នាំ២០១៥ នៅពេលទ្រង់មានព្រះជន្ម ៣ព្រះវស្សា។ ទ្រង់ ជេនណា មានព្រះសមត្ថភាពត្រាស់បាន៥ ភាសាគឺ ភាសាខ្មែរ (ភាសាកំណើត) ភាសាអង់គ្លេស ភាសាបារាំង ភាសាចិន និង ភាសាថៃ។ ទ្រង់បានចូលប្រឡូកក្នុងរង្វង់សិល្បៈកាលពីឆ្នាំ២០១៨ តាមរយៈការសម្ដែង មុននឹងបង្ហាញជំនាញផ្នែកចម្រៀង និង ដើរម៉ូដ។
ថ្មីៗនេះ ព្រះនាងម្ចាស់បានបញ្ចេញបទចម្រៀង Cover «Koo Gud» ទទួលបានការគាំទ្រយ៉ាងខ្លាំងទាំងអ្នកគាំទ្រជនជាតិកម្ពុជា និងអ្នកគាំទ្រជនជាតិថៃ។ ពិសេសនៅក្នុងថ្ងៃនេះ ព្រះនាងបានបន្តចេញបទចម្រៀងថៃមួយបទទៀតដែលជាបទល្បីល្បាញរបបស់ថៃគឺបទ «ช้ำคือเรา» របស់តារាចម្រៀងជើងចាស់ Nittaya Bunsungnoen។
ទស្សនាបទ ««ช้ำคือเรา»» ដោយព្រះនាងម្ចាស់តូច នរោត្តម ជេនណា ខាងក្រោមនេះ៖
