ព្រឹត្តិការណ៍ស៊ីហ្គេម ដែលតែងតែមានវត្តមាននៅប្រទេសដែលទទួលបានសិទ្ធធ្វើជាម្ចាស់ផ្ទះរាងរាល់ ២ឆ្នាំម្តង ជាពិសេសក្នុងឆ្នាំ២០២៣ នេះប្រទេសកម្ពុជា ទទួលបានសិទ្ធធ្វើជាម្ចាស់ផ្ទះ ហើយអ្វីដែលប្រជាជនទូទាំងប្រទេស ព្រះរាជាណាចក្រកម្ពុជា ទម្ទឹងរងចាំពេលនេះ គឺសល់តែ ១៥ថ្ងៃទៀតប៉ុណ្ណោះ នឹងដល់ពិធីបើកជាផ្លូវការហើយ។
ដោយឡែកសម្រាប់ប្រភេទវិញ្ញាសារសរុបទាំង ៣៦ប្រភេទវិញ្ញាសារ ដែលនឹងត្រូវដាក់ក្នុងការប្រកួតកីឡាស៊ីហ្គេម ឆ្នាំ២០២៣ ក្នុងនោះមាន១០ប្រភេទវិញ្ញាសារ ដែលនឹងត្រូវប្រកួតមុនពិធីបើក ក្នុងនោះមានដូចជា៖
១. កីឡាអុកចត្រង្គ (ចាប់ផ្តើមនៅថ្ងៃទី២៩ ខែមេសា ដល់ថៃទី៩ ខែឧសភា ឆ្នាំ២០២៣)
២. កីឡាគ្រីឃីត (ចាប់ផ្តើមនៅថ្ងៃទី២៩ ខែមេសា ដល់ថៃទី៦ ខែឧសភា ឆ្នាំ២០២៣)
៣. កីឡាអេឡិចត្រូនិក (ចាប់ផ្តើមនៅថ្ងៃទី៤ ដល់ថ្ងៃទី១៦ ខែឧសភា ឆ្នាំ២០២៣)
៤. កីឡាបាល់ទាត់ (ចាប់ផ្តើមនៅថ្ងៃទី២៩ ខែមេសា ដល់ថៃទី១៦ ខែឧសភា ឆ្នាំ២០២៣)
៥. កីឡាហុកគី (ចាប់ផ្តើមនៅថ្ងៃទី១ ដល់ថៃទី៨ ខែឧសភា ឆ្នាំ២០២៣)
៦. កីឡាជឺជីតស៊ូ (ចាប់ផ្តើមនៅថ្ងៃទី៤ ដល់ថៃទី៧ ខែឧសភា ឆ្នាំ២០២៣)
៧. កីឡាគុនល្បុក្កតោ (ចាប់ផ្តើមនៅថ្ងៃទី៤ ដល់ថៃទី១០ ខែឧសភា ឆ្នាំ២០២៣)
៨. កីឡាឧបសគ្គ (ចាប់ផ្តើមនៅថ្ងៃទី៣ ដល់ថៃទី៧ ខែឧសភា ឆ្នាំ២០២៣)
៩. កីឡាជិះទូកប្រពៃណី (ចាប់ផ្តើមនៅថ្ងៃទី១ ដល់ថៃទី៨ ខែឧសភា ឆ្នាំ២០២៣)
១០. កីឡាបាល់ទះ (ចាប់ផ្តើមនៅថ្ងៃទី៣ ដល់ថៃទី១៤ ខែឧសភា ឆ្នាំ២០២៣)
គួរបញ្ជាក់ថា ព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ នេះមានប្រទេសចំនួន១១ចូលរួមប្រកួតប្រជែងលើប្រភេទកីឡាចំនួន៣៧ ស្មើនឹង ៥៨១វិញ្ញាសា ដែលត្រូវបានអនុម័តដោយក្រុមប្រឹក្សាសហព័ន្ធកីឡាអាស៊ីអាគ្នេយ៍ ហើយព្រឹត្តិការណ៍ស៊ីហ្គេមនេះ នឹងដំណើរការជាផ្លូវការ ពីថ្ងៃទី០៥ ដល់ថ្ងៃទី១៧ ខែឧសភា ឆ្នាំ២០២៣៕
