ថ្ងៃទី៧ ខែកក្កដា ឆ្នាំ២០២១ គឺជាខួប១៣ ឆ្នាំ ដែលប្រាសាទព្រះវិហាររបស់កម្ពុជាត្រូវបានអង្គការយូណេស្កូ (UNESCO) ដាក់បញ្ចូលជាសម្បត្តិបេតិកភណ្ឌពិភពលោក។ សង្កេតឃើញថាតារាៗជាច្រើនរូបបានចូលរួមអបអរសាទរជាមួយនឹងបងប្អូនប្រជាពលរដ្ឋកម្ពុជាតាមរយៈការផុសលើបណ្ដាញសង្គម ជាមួយនឹងសំណេរអបអរ ក៏ដូចជាភ្ជាប់ជាមួយនឹងរូបភាពខ្លួនជាមួយនឹងប្រាសាទព្រះវិហារដែលធ្លាប់បានទៅកម្សាន្តនាពេលកន្លង។
មិនខុសគ្នាពីមិត្តរួមអាជីព កាលពីរាត្រីទី ៧ ខែកក្កដា ឆ្នាំ ២០២១ ប្រុសស្អាតថ្ពាល់ខួចសងខាងលោក សន ពិសិដ្ឋ តារាសម្ដែងដ៏មានសមត្ថភាពមួយរូប បានផុសអបអរសាទរខួប១៣ឆ្នាំនៃការដាក់បញ្ចូលប្រាសាទព្រះវិហារជាមរតកពិភពលោក ប៉ុន្តែតារារូបនេះមានភាពច្នៃប្រឌិតដោយបង្កប់នូវការកម្សាន្តសម្រាប់អ្នកគាំទ្រលោក ដោយបានច្រៀងចម្រៀងមួយបទដែលជាសំនៀងដើមរបស់លោក ម៉ិញ សុធីវណ្ណ តារាចម្រៀងជើងចាស់ដ៏មានឈ្មោះបោះសំឡេងមួយរូប។
ថ្វីត្បិតតែសាមីខ្លួន លោក សន ពិសិដ្ឋ តួឯកប្រុសពីភាពយន្តអប់រំ «ព្រះភិក្ខុពនេចរ» បានប្រកាសអធ្យាស្រ័យចំពោះការបកស្រាយបទចម្រៀងថាមិនពីរោះ ព្រោះលោកបកស្រាយផ្ទាល់មាត់ មិនមានមេក្រូ នៅក្នុងរថយន្តរបស់លោកប៉ុណ្ណោះមិនមែនជាការបកស្រាយនៅក្នុងស្ទីតយ៉ូ ប៉ុន្តែបងប្អូន មិត្តភក្ដិ និង អ្នកគាំទ្របានចូលមកកោតសរសើរថាលោក អាចបកស្រាយបទចម្រៀងមួយបទនេះយ៉ាងពីរោះ។់
ចង់ដឹងថា លោក សន ពិសិដ្ឋ បកស្រាយបទ «សាងស្នេហ៍ឯប្រាសាទព្រះវិហារ» ពីរោះយ៉ាងណាសូមទស្សនាខាងក្រោម៖
