កាលពីថ្ងៃទី ៧ ខែ កក្កដា ឆ្នាំ ២០២១ ឆាណែលយូធូប (YouTube Channel) America’s Got Talent បានបង្ហោះវីដេអូបេក្ខជនចូលរួមប្រកួតមួយគូ ដែលត្រូវជាម្ដាយនិងកូន ហើយរឿងដែលគួរឱ្យចាប់អារម្មណ៍នោះគឺអ្នកទាំងពីរបានបង្ហាញសមត្ថភាពបាញ់ព្រួញ ប៉ុន្តែមិនមែនបាញ់ព្រួញទៅរកគោលធម្មតានោះឡើយ។
អ្នកស្រី Gigi Deluxe និងកូនស្រី Devon មកពី New Orland បានចូលរួមប្រកួតក្នុងកម្មវិធី America’s Got Talent 2021 រដូវកាលទី១៦ ដោយបង្ហាញសមត្ថភាពបាញ់ព្រួយដោយយកមនុស្សជាគោលដៅ ប៉ុន្តែមិនត្រឹមតែបាញ់ព្រួញធម្មតានោះទេ ដោយកូនស្រីខាំប៉េងប៉ោងនៅត្រង់មាត់ ចំណែកម្ដាយជាអ្នកបាញ់ព្រួញតម្រង់ទៅរកប៉េងប៉ោងដែលកូនស្រីខាំនោះ។
ប៉ុន្តែភាពអស្ចារ្យនៃការបង្ហាញរបស់អ្នកម្ដាយមេម៉ាយ និងកូនស្រីវ័យ ២០ឆ្នាំនេះ គឺប៉េងប៉ោងដែលខាំនឹងមាត់នោះម្ដាយបានបាញ់បំបែកប៉េងប៉ោងទំហំធំ ហើយលេចចេញប៉េងប៉ោងកណ្ដាលដែលក្នុងប៉េងប៉ោងធំនោះ ម្ដាយបំបែកប៉េងប៉ោងទំហំកណ្ដាលរួចនៅសល់ប៉េងប៉ោងតូច ដែលជាវគ្គកាន់តែរន្ធត់ខ្លាំង ព្រោះប៉េងប៉ោងបើភ្លាត់គឺអាចនឹងមានគ្រោះថ្នាក់ដល់កូនស្រី។
ការសម្ដែងរបស់អ្នកទាំងពីរពីមួយជំហានទៅមួយជំហាន ធ្វើឱ្យគណៈកម្មការទាំង៤រូប មានខ្លះបិទភ្នែក មានខ្លះងាកមុខចេញ ដោយសេចក្ដីរន្ធត់ និងភ័យបុកពោះជួសអ្នកទាំងពីរ យ៉ាងណាមិញម្ដាយនិងកូនទាំងពីរបានបញ្ចប់ការសម្ដែងសមត្ថភាពប្រកបដោយជោគជ័យ និងមិនមានបង្ករជាគ្រោះថ្នាក់ឡើយ។
ចង់ដឹងថាសមត្ថភាពសម្ដែងបាញ់ព្រួញដ៏សែនរន្ធត់និងគ្រោះថ្នាក់ដោយយកមនុស្សជាគោលដៅព្រឺព្រួចយ៉ាងណាទស្សនាវីដេអូប្រកួតទាំងអស់គ្នា ៖
