កាលពីថ្ងៃទី២៤ ខែឧសភា ឆ្នាំ២០២៣ ឯកឧត្តម វ៉ី សំណាង អភិបាល នៃ​គណៈ​អភិបាល​ខេត្ត​កំពង់​ស្ពឺ បាន​ប្រគលប្រាក់លើកទឹក​ចិត្ត​ដល់​កីឡា​គុនខ្មែរ ៣រូប រួម​ជា​មួយ​កីឡាករ ឡៅ ស៊ីណាត (គ្រូបង្វឹក) ដែលបានខិតខំប្រឹងប្រែងដណ្ដើមមេដាយមាស ក្នុងកីឡាស៊ីហ្គេម ជូនជាតិមាតុភូមិ។

ក្នុងពិធី​ចុះសំណេះសំណាលជា​មួយ​ប្រជាពលរដ្ឋ​នៅ​ក្រុងឧត្តុង ម៉ែជ័យ និង ស្រុកសាមគ្គីមុនីជ័យ
តាម​រយ:ទំព័រ​ហ្វេសបុក​របស់​ឯកឧត្តម បាន​សរសេរ​រៀប​រាប់​ថា៖ «ឆ្លៀតឱកាសនេះ ខ្ញុំ​ក៏សូម​ថ្លែងនូវការកោតសរសើរដោយស្មោះចំពោះកីឡាករ ឡៅ ស៊ីណាត (គ្រូបង្វឹក) ឡៅ ចន្ទ្រា ឡៅ ចិត្រា ឡៅ សៃណេត ដែលបានខិតខំប្រឹងប្រែងដណ្ដើមមេដាយមាស ក្នុងកីឡាស៊ីហ្គេម ជូនជាតិមាតុភូមិរបស់យើងកន្លងម»។

កីឡាករ ឡៅ ចន្រ្តា ដណ្ដើមបានមេដាយមាស ប្រភេទកីឡាគុនខ្មែរ វិញ្ញាសា ៧៥គីឡូ ផ្នែកបុរស
កីឡាករ ឡៅ ចិត្រា ដណ្ដើមបានមេដាយមាស ប្រភេទកីឡាគុនខ្មែរ វិញ្ញាសា ៦៧គីឡូ ផ្នែកបុរស
កីឡាករ ឡៅ សៃណេត ដណ្ដើមបានមេដាយមាស ប្រភេទកីឡា Kickboxing – Men’s K1 -51kg ផ្នែកបុរស

គួរបញ្ជាក់ថា ក្នុងព្រឹត្តិការណ៍ ប្រកួតកីឡាស៊ីហ្គេម លើកទី៣២ នៅសាលដំរី ក្នុង​ពហុ​កីឡ​ដ្ឋាន​ជាតិ​មរតតេជោ កាលពីថ្ងៃទី១១ ខែឧសភា ឆ្នាំ២០២៣ កម្ពុជា ដណ្តើម​បាន​មេដាយមាស ១៤គ្រឿង ក្នុង​ការ​ប្រកួត កីឡា​ប្រដាល់​គុន​ខ្មែរ​ប្រចាំ​ព្រឹត្តិការណ៍​ស៊ីហ្គេម​លើកទី៣២ ឆ្នាំ២០២៣៕