សិល្បៈជាតិ៖ តាមការប្រកាសជាផ្លូវការនៅលើទំព័រហ្វេសប៊ុកផេក Mister Friendship Cambodia បានឱ្យដឹងថា អ្នកនាង ប្រាសាទ ដាវីន បានក្លាយជា National Director នៅក្នុងឆ្នាំ ២០២៣នេះ។ បេសកកម្មស្វែងរកបុរសឯកថ្មីនេះ ត្រូវបានគេមើលឃើញថា ក្រោយពេលដែលអ្នកនាងទើបតែបានបញ្ចប់កុងត្រាជាមួយកម្មវិធី Mister Supranational Cambodia។
អ្នកនាង ប្រាសាទ ដាវីន ធ្លាប់បានប្រាប់អ្នកសារព័ត៌មានត្រយងនៅក្នុងថ្ងៃសម្ពោធភាពយន្តរឿង «កំណើតអរូប» ថា អ្នកនាងគ្រោងនឹងផលិតកម្មវិធីប្រកួតសម្រស់ដោយខ្លួនឯង ហើយដើម្បីបង្ហាញថា កម្ពុជាក៏មានកម្មវិធីប្រកួតសម្រស់ដែលបង្កើតឡើងដោយកូនខ្មែរផងដែរ។ តែទីបំផុត អ្នកនាង ប្រាសាទ ដាវីន សម្រេចបានក្ដីសុបិនមួយនេះបានមួយជំហ៊ានហើយ ដើម្បីឆ្ពោះទៅរកភាពជោគជ័យបន្តទៀត។
បន្ទាប់ពីទទួលតំណែងថ្មីនេះ អ្នកនាង ប្រាសាទ ដាវីន បានបង្ហោះសារថា ៖
ក្នុងនាមខ្ញុំជានាយកជាតិនៃកម្មវិធីប្រកួតសម្រស់បុរស ខ្ញុំនឹងមានឱកាសបង្ហាញនូវវប្បធម៌ ទេពកោសល្យ មន្តស្នេហ៍ និងសម្រស់បេក្ខនារីមកពីប្រទេសរបស់ខ្ញុំ ❤️ ជាពិសេសមានឱកាសចូលរួមកាន់តែច្រើនក្នុងការងារសង្គម និងសប្បុរសធម៌។ ខ្ញុំក៏នឹងមានទំនួលខុសត្រូវក្នុងការធានាថា ការប្រកួតនេះត្រូវបានរៀបចំយ៉ាងត្រឹមត្រូវ យុត្តិធ៌ម និងរីករាយសម្រាប់អ្នករាល់គ្នាដែលចូលរួម។ ដើម្បីក្លាយជានាយកថ្នាក់ជាតិដ៏ជោគជ័យ អ្នកត្រូវមានជំនាញរៀបចំដ៏រឹងមាំ ជំនាញទំនាក់ទំនងដ៏ល្អ និងចំណង់ចំណូលចិត្តក្នុងការលើកកម្ពស់ភាពស្រស់ស្អាត និងទេពកោសល្យរបស់បុរស។ អ្នកក៏នឹងត្រូវអាចធ្វើការបានល្អក្រោមសម្ពាធដែរ ព្រោះការរៀបចំការប្រកួតអាចមានការលំបាក និងចំណាយពេលច្រើន។ កិច្ចការមួយចំនួនដែលខ្ញុំអាចទទួលបន្ទុកក្នុងតួនាទីជានាយកថ្នាក់ជាតិ រួមមាន ការជ្រើសរើសបេក្ខនារី សម្របសម្រួលផ្នែកដឹកជញ្ជូននៃកម្មវិធីប្រកួត រៀបចំចៅក្រម និងអ្នកឧបត្ថម្ភ ផ្សព្វផ្សាយព្រឹត្តិការណ៍ និងធានាថាការប្រកួតប្រព្រឹត្តទៅដោយរលូន និងប្រកបដោយវិជ្ជាជីវៈ។ សរុបមក ការធ្វើជានាយកថ្នាក់ជាតិសម្រាប់កម្មវិធីប្រកួតសម្រស់បុរសអាចជាបទពិសោធន៍ដ៏មានតម្លៃដែលអនុញ្ញាតឱ្យខ្ញុំបង្ហាញពីទេពកោសល្យ និងសម្រស់បុរសរបស់ប្រទេសរបស់ខ្ញុំដ៏ល្អបំផុត។ សូមសំណាងល្អដល់បេក្ខនារីទាំងអស់គ្នា។
គួរឱ្យចាប់អារម្មណ៍ថា គិតត្រឹមពាក់កណ្ដាលឆ្នាំ ២០២៣នេះ អ្នកនាង ប្រាសាទ ដាវីន កាន់បានកម្មវិធីធំៗចំនួន ៣ នៅក្នុងដៃ នោះរួមមាន ការប្រកួតកម្មវិធី Universal Women International 2023 ជានាយករងកម្មវិធីប្រកួតសម្រស់បុរសឯក Miss Supranational Cambodia 2023 និងចុងក្រោយនេះ បានកាន់កម្មវិធី Mister Friendship Cambodia នៅក្នុងដៃផ្ទាល់តែម្ដង៕
