រូបភាពទស្សន៍ទាយនិស្ស័យ ដែលមនុស្សភាគច្រើនមើលឃើញរូបភាពនេះហើយប្រាប់ថាមើលឃើញ «កង្កែប» ខណៈដែលមនុស្សជាច្រើននាក់ផ្សេងទៀតបែរជានិយាយថាខ្លួនមើលឃើញរូបភាពសត្វ «សេះ»។ រយៈពេល ៥វិនាទីដំបូង ដែលលោកអ្នកមើលឃើញសត្វណាមួយ សត្វនោះគឺជាសត្វដែលនឹងប្រាប់ពីឧបនិស្ស័យរបស់អ្នកថា អ្នកគឺជាមនុស្សដែលពូកែដោះស្រាយបញ្ហាឬអត់? តោះទៅអានចម្លើយទាំងអស់គ្នានៅខាងក្រោមនេះ
បើសិនជាសត្វដំបូងដែលអ្នកក្រឡេកឃើញគឺជា…សត្វកង្កែប
អ្នកគឺជាមនុស្សដែលផ្ដោតតែលើរបស់នៅចំពោះមុខ អ្នកមិនមែនជាមនុស្សដែលព្យាយាមមើលអ្វីខុសពីអ្នកផ្សេងប្រាប់ នៅពេលអ្នកដទៃប្រាប់ឱ្យអ្នកធ្វើអី អ្នកក៏នឹងធ្វើតាមដោយមិនមានសួរនាំអ្វីទាំងអស់ អ្នកមិនចូលចិត្តដើរខុសគន្លង អ្នកជឿថាការដើរតាមគន្លងនឹងធ្វើឱ្យសង្គមមានតែភាពស្ងប់សុខ ហើយមនុស្សគ្រប់គ្នាគួរតែដើរតាមគន្លងឬច្បាប់ដែលបានកំណត់ ដូច្នេះការដោះស្រាយបញ្ហារបស់អ្នកគឺការធ្វើទៅតាមវិធីសាស្ត្រឬធ្វើយុទ្ធសាស្ត្រដែលគេធ្លាប់និយាយ។
បើសិនជាសត្វដំបូងដែលអ្នកក្រឡេកឃើញគឺជា…សត្វសេះ
អ្នកគឺជាមនុស្សដែលមានការតាំងចិត្តខ្ពស់ ជាមនុស្សស្រលាញ់សេរីភាព និងចូលចិត្តរត់តម្រង់ទៅរកបញ្ហាឬឧបសគ្គដែលរត់មករកអ្នក អ្នកប្រៀបដូចជាកម្លាំងសេះ ដែលមិនមានអ្នកណាអាចបញ្ឈប់អ្នកបាន បើសិនជាអ្នកត្រូវការឬតាំងចិត្តធ្វើអ្វីម្យ៉ាង អ្នកគឺជាអ្នកដោះស្រាយបញ្ហាដែលមិនខ្លាចឧបសគ្គអ្វីទាំងអស់ ដោយសារអ្នករមែងមើលឃើញវិធីថ្មីៗ មកប្រើប្រាស់នៅក្នុងការដោះស្រាយបញ្ហា ព្រោះសម្រាប់អ្នក បញ្ហាគឺជា Challenge មិនមែនជារឿងគ្រោះថ្នាក់ដល់ជីវិតនោះឡើយ៕
