សិល្បៈជាតិ៖ កាលពីប៉ុន្មានម៉ោងមុននេះ នៅលើបណ្ដាញសង្គមហ្វេសប៊ុកហ្វេនរបស់កញ្ញា ពេជ្រវត្តីសារ៉ាវឌ្ឍី បានកត់សម្គាល់ឃើញថាម្ចាស់មកុដឆ្នាំ២០២២ នៃកម្មវិធី Miss Grand Cambodia ប្រហែលជាចង់ប្រើពាក្យពេចន៍ទាំងនេះផ្ញើទៅកាន់មនុស្សដែលនៅឯនាយសមុទ្រ។
«ស្ថិតនៅកន្លែងជាមួយគ្នាតែប្រហែលគ្មាននិស្ស័យនិងអាចបានជួបគ្នា ដូចព្រះច័ន្ទហើយនិងព្រះអាទិត្យ» នេះគឺជាការលើកឡើងរបស់ Pichy ដែលការលើកឡើងនេះត្រូវបានអ្នកគាំទ្ររបស់កញ្ញាដៅថាអាចនឹងចង់និយាយដល់មិត្តរួមជំនាន់ Miss Grand International 2022 គឺកញ្ញា Engfa ម្ចាស់មកុដ Miss Grand Thailand 2022 និងជាលំដាប់រងទី១ Miss Grand International 2022 ដែលហ្វេនមួយភាគបាននាំគ្នាឡើងកប៉ាល់ចាប់ផ្គូផ្គងអ្នកទាំងពីរ។
ការដែលអ្នកគាំទ្រយល់ដូច្នេះព្រោះគេលើកយកអំណះអំណាងដែល Engfa បានបង្ហោះ Caption នៅលើបណ្ដាញសង្គម twitter ថា «ពួកឯងមើលព្រះអាទិត្យ តែយើងមើលព្រះច័ន្ទ នៅម្នាក់មួយចំហៀងផែនដីតែនឹកអ្នកដូចមុន»
ដោយហ្វេនបានលើកឡើងនៅខាងក្រោមការរៀបរាប់របស់ Pichy ថា៖ «ឆ្លើយឆ្លងស្នេហ៍គ្នា ម្នាក់ twitter ម្នាក់ facebook អ្នកចេះដឹងគ្រួសារគេចង់កើតឆ្កួតហើយ»
«ក្បែរគ្នាមិនបាន តែក៏ទៅណាឆ្ងាយពី ទំនាញព្រះអាទិត្យនៅតែវិលជុំវិញព្រះអាទិត្យដដែល ច័ន្ទ ត្រូវការពន្លឺព្រះអាទិត្យ។ គិតដល់ណាទេតី ច័ន្ទ ក៏ច័ន្ទ ទៅ ព្រះអាទិត្យក៏ឯកោដែរ អ្នកណាហ៊ានក្បែរ អាលាយគេអ៊ីចឹង បើមនុស្សងាយជាង បើស្រលាញ់ក៏ស្រលាញ់ទៅ បើស្រលាញ់មិនបាន ក៏តាមនឹងទៅ។ (ចង់ឃើញមុខអ្នកម្ដងមិនដឹងថ្ងៃណាទេ យ៉ាងណាក៏យ៉ាងនឹងទៅ បើមាននិស្ស័យគង់ជួបទេ កុំកើតទុក្ខឃើញតាមទូរស័ព្ទក៏បាន) ងាយៗ ន័យបែបនេះ»។
«ឱ! ព្រះះអាទិត្យនិងព្រះច័ន្ទអើយ ហេតុអីអ្នករះមផ្លាស់វេនគ្នាចឹង ឱ្យពួកគេកំពុងនឹកគ្នាខ្លាំង»
ខណៈដែលអ្នកខ្លះទៀតយល់ថា Caption នេះអាចសំដៅដលើ់ Isabella Menin ម្ចាស់មកុដ Miss Grand International ដែលហ្វេនមួយភាគបានឡើងកប៉ាល់ (Ship) ផ្គូផ្គងអ្នកទាំងពីរដូចគ្នាដោយគេបានលើកឡើង៖ «Sunny London Miss Moon Cambodia so much» ព្រមទាំងភ្ជាប់ Caption ដើមរបស់ Isabella ដែលបានសរសេរថា «Good Morning Sunny London»។
