សិល្បៈអន្តរជាតិ៖ វីដេអូដែលត្រូវបានគេបង្ហោះចែកចាយនៅលើបណ្ដាញសង្គម twitter ថតជាប់តារាចម្រៀងរូបស្រស់ Selena Gomez កំពុងខឹងច្រឡោតតោតតូងដាក់សន្តិសុខ កាលពីថ្ងៃសុក្រ ចុងសប្ដាហ៍កន្លងទៅថ្មីៗនេះ។
តារាសម្ដែង-តារាចម្រៀង Selena បានធ្វើដំណើរទៅចូលរួមក្នុងកម្មវិធី Renaisssance Tour របស់កំពូលតារាចម្រៀង Beyoncé នៅក្រុងប៉ារីស ប្រទេស ហើយនៅពេលដែលនាងកំពុងតែដើរចូលនោះតារាល្បីរូបនេះស្រាប់តែឈប់ហើយស្រែកឱ្យបុរសសន្ដិសុខម្នាក់។
នៅក្នុងវីដេអូមួយដែលហ្វេនបានបង្ហោះចែករំលែកនៅលើ Twitter គេមើលឃើញថាបុរសជាសន្តិសុខបានចង្អុលទៅទិសផ្សេងខណៈដែលតារាសម្ដែងពីភាពយន្ត «Wizards of Waverly Place» បញ្ចេញអាការៈខឹងសម្បារខ្លាំងចំពោះបុរសរូបនោះ។
សារព័ត៌មានបរទេសបានទាក់ទងទៅអ្នកតំណាងរបស់ Selena ដើម្បីសុំការបកស្រាយចំពោះដែលមានការផ្សព្វផ្សាយថា Selena បានស្រែកគំហកច្រឡោតដាក់សន្តិសុខការពារនៅក្នុងការប្រគំតន្ត្រី Renaissance របស់ Beyonce ខណៈដែលមានអ្នកខ្លះយល់ថាបុរសរូបនោះប្រហែលជាស្ថិតក្នុងក្រុមការពាររបស់ Selena ផ្ទាល់ ព្រោះមានអ្នកអះអាងថាធ្លាប់បានឃើញលោកដើរតាមតារាល្បីរូបនេះនៅក្នុងវីដេអូជាច្រើនដងនៅក្នុងការប្រគំតន្ត្រីនានា។
ងាកមកអ្នកគាំទ្ររបស់ Selena បានចេញមកបកស្រាយជំនួសតារាដែលខ្លួនពេញចិត្តថាការដែលតារារូបនេះស្រែកនោះគឺដោយសារតែសន្ថិសុខបានប្រើអាកប្បកិរិយាមិនល្អដាក់អ្នកគាំទ្ររបស់នាង ដែលក្រោកឈរស្វាគមន៍ពេលនាងមកដល់កន្លែងប្រគំតន្ត្រី ទើបនាងខឹងច្រឡោតជួសអ្នកគាំទ្ររបស់នាង។ ប៉ុន្តែអ្នកខ្លះទៀតថាតារាវ័យ៣០ឆ្នាំខឹងដែលនាងមកកាន់កន្លែងប្រគំតន្ត្រីយឺតពេល។
Selena Gomez គឺជាតារាសម្ដែង-តារាចម្រៀង A-List លំដាប់ជួបមុខដែលចូលរួមសម្ដែងនៅក្នុងការប្រគំតន្ត្រីរបស់ Beyoncé ដែលចាប់ផ្ដើមចាប់ពីថ្ងៃទី១០ ខែឧសភា រួមនឹងតារាផ្សេងៗទៀតដូចជា៖ «Natalie Portman, Kris Jenner and Lenny Kravitz និងកូនស្រីរបស់ Queen B ឈ្មោះ Blue Ivy ផងដែរ»៕
ប្រភព៖ msn
