សិល្បៈអន្តរជាតិ៖ ភាពយន្ត HBO រឿង «The Idol» ដំបូងឡើយទទួលបានការចាប់អារម្មណ៍ច្រើនពីក្រសែភ្នែកសាធារណជនពិសេសអ្នកគាំទ្ររបស់ Blackpink ព្រោះជារឿងដំបូងដែល Jennie ចូលរួមសម្ដែង ហើយរឿងនេះបានបញ្ចាំងជាលើកដំបូងនៅក្នុងមហោស្រពភាពយន្តទីក្រុងកាន ក្នុងប្រទេសបារាំង។ ប៉ុន្តែក្រោយបានបញ្ចាំងរួច ភាពយន្តដំបូងរបស់ Jennie មួយនេះ បែរជារងនូវការរិះគន់ទៅវិញ។
សូមអាន៖ Jennie Black នឹងសម្ដែងភាពយន្តភាគដំបូងរបស់ខ្លួននៅលើទូរទស្សន៍ HBO !
ភាពយន្ត «The Idol» សាច់រឿងបរិយាយពីផ្នែកដ៏ខ្មៅកខ្វក់របស់វង្វង់សិល្បៈចម្រៀង និងអ្នកផលិត ដោយរឿងនេះសម្ដែងដោយ The Weeknd , Lily Rose Depp, Troye Sivan និង Jennie Blackpink។ ក្រោយត្រូវបានអញ្ជើញឱ្យទៅចូលរួមក្នុងកម្មវិធីមហោស្រពភាពយន្តទីក្រុងកានភ្លាម រឿងនេះទទួលបានការចាប់អារម្មណ៍ពីសំណាក់សារព័ត៌មានទូទាំងពិភពលោក ប៉ុន្តែក្ដីរំពឹងដែលធ្លាប់គិតថានឹងទទួលបានការសាទរបែរជាខុសស្រឡះ ព្រោះ «The Idol» ទទួលបានពិន្ទុ ទាបត្រឹមតែ 9% ប៉ុណ្ណោះនៅក្នុងវែបសាយ Rotten Tomatoes ដោយសារតែរងការរិះគន់ថាមានបញ្ចូលឈុតឆាកស៊ីអារម្មណ៍លើគ្រែស្ដែងៗពេក ដែលអ្នកខ្លះយល់ថាឈុតទាំងនោះដូចជាមិនចាំសម្រាប់សាច់រឿងនោះឡើយ៕
ប្រភព៖ line.today.com
