មនុស្សមួយចំនួនប្រហែលជាមិនទាន់បានដឹងទេថា តារាសម្ដែង Lee Yoon Hee ប៊ិះនឹងក្លាយជាសមាជិកមួយរូបក្នុងក្រុមចម្រៀង Girls’ Generation ប៉ុន្តែទោះជាមិនបានចេញមកប្រឡូកក្នុងសិល្បៈរួមគ្នាក្នុងឋានៈជាមិត្តរួមក្រុម តែតារាសម្ដែងរូបនេះនិងសមាជិកក្រុម SNSD (Girls’Generation) នៅតែរក្សាទំនាក់ទំនងល្អជាមួយគ្នាយ៉ាងយូរអង្វែង តួយ៉ាងដូចជាថ្មីៗនេះ Lee Yoon Hee បានចូលរួមជាភ្ញៀវកិត្តិយសក្នុងកម្មវិធី YouTube របស់ Yuri ព្រមទាំងជជែកគ្នាពីរឿងរ៉ាវអតីតកាល។
នៅក្នុងកម្មវិធី «Yuri’s Winning Recipe Season 2» នៅលើឆាណែល Yurihan TV ដែលជា Channel YouTube របស់ Kwon Yuri សមាជិក SNSD ដោយផ្ទាល់នោះ បានបង្ហោះឃ្លីបវីដេអូមួយដោយប្រើឈ្មោះថា «សមាជិកក្នុងប្រវត្តិសាស្ត្ររបស់ Girls’ Generation» ដោយក្នុងវីដេអូនោះមានបង្ហាញវត្តមានភ្ញៀវកិត្តិយសពិសេសគឺ Lee Yoon Hee ដោយក្នុងនោះអ្នកទាំងពីរបានរំលឹកដល់រឿងរ៉ាវកាលពីក្មេងៗ ខណៈនៅហ្វឹកហាត់រួមគ្នា ព្រោះទាំងនិយាយពីសំនួរដែលមានមនុស្សជាច្រើនសង្ស័យថាហេតុអីបានជា Lee Yoon Hee ដែលធ្លាប់បានហ្វឹកហាត់ក្នុងក្រុមជាមួយគ្នា បែរជារបូតចេញពីក្រុម Girls’Generation?
ខណៈធ្វើអាហារបណ្ដើរជជែកគ្នាបណ្ដើរនោះ Lee Yoon Hee បានបង្ហើបឱ្យដឹងថាការដែលកញ្ញា និង Yuri ស្និតស្នាលគ្នា ព្រោះជួបគ្នាតាំងពីនៅជាក្មេងហ្វឹកហាត់ក្រោមដំបូល SM Entertainment ថែមទាំងធ្លាប់ចេញទៅជប៉ុនជាមួយនឹង Soo Young នៅប្រទេសជប៉ុនដើម្បី Audition ផង ធ្វើឱ្យការចងចាំអស់ទាំងនោះធ្វើឱ្យ Lee Yoon Hee មានអារម្មណ៍ថាខ្លួនប្រៀបដូចជាសមាជិកមួយរូបក្នុងក្រុម ជាមិត្តភក្ដិកាលពីក្មេង ហើយមានក្ដីសុខរួមគ្នា។
ចំណែកហេតុផលដែល Lee Yoon Hee មិនបានចូលរួមក្នុងក្រុម SNSD ពេលចេញអាល់ប៊ុមចម្រៀងនោះ Yuri បានឱ្យដឹងថា៖
«បងស្អាតជាងគេតែម្នាក់ឯងពេល ខ្ញុំសូមនិយាយថាមានការនិយាយតៗគ្នាពាក់ព័ន្ធនឹងរឿងនេះ គាត់ស្អាតខ្លាំងលេចធ្លោជាងបណ្ដាសមាជិកផ្សេងៗដែលស្អាតដែរ តែមិនស្អាតដល់គាត់ ហើយមានតែមនុស្សនិយាយថាគាត់នឹងទាញការចាប់អារម្មណ៍ទាំងអស់នៅក្នុងក្រុម» Yuri បានបន្ថែមទៀតថា «បើសិនជាបងចូលក្នុងក្រុម បងច្បាស់ជាបានធ្វើមេក្រុម» នៅពេលបានឮដូច្នេះ Lee Yoon Hee បានឆ្លើយតបបែបលេចសើចវិញថា «បើខ្ញុំបានធ្វើជាមេក្រុម ពួកយើងអាចនឹងមិនជិតស្និទ្ធិនឹងគ្នាក៏ថាបាន» បន្ទាប់មកកញ្ញាបានអធិប្បាយថា «កញ្ញាចូលចិត្តសមាជិកទាំងអស់ តែបើសិនខ្ញុំបានចូលជាចំណែកមួយក្នុងក្រុម ក្រុមអាចនឹងមិនជោគជ័យក៏ថាបានដែរ» Yuri បានប្រកែកភ្លាមថា «បងដាក់ខ្លួនពេករហូតធ្វើឱ្យខ្ញុំមួម៉ៅហើយ»។
នៅក្នុងនោះ Lee Yoon Hee ក៏បានប្រាប់ឱ្យដឹងដែរថាដោយនិ្ស័យពីកំណើតរបស់ខ្លួនអាចនឹងមិនសមជាតារាចម្រៀងជាក្រុម ព្រោះថា «តាមនិស្ស័យរបស់ខ្ញុំ ខ្ញុំគិតថាខ្ញុំមិនអាចប្រើជីវិតជាក្រុមបាននោះទេ» ការលើកឡើងនេះ បានធ្វើឱ្យ Yuri យល់ស្របដោយកញ្ញានិយាយថា «ខ្ញុំក៏គិតបែបនេះដូចគ្នាដែរ បងស្រីជាមនុស្សដែលពូកែជាងអ្វីដែលគេគ្រប់គ្នានឹកដល់ ហើយមានការប្រើប្រាស់ជីវិតនិងការជាអត្តនោម័តខ្លាំង លក្ខណៈអស់ទាំងនោះធ្វើឱ្យខ្ញុំភ្ញាក់ផ្អើលណាស់»
ទោះមិនបានចូលរួមជាសមាជិកក្រុម Girls’Generation តែបច្ចុប្បន្ន Lee Yoon Hee គឺជាតារាសម្ដែងដែលមានសមិទ្ធិផលសម្ដែងជាច្រើនដូចជា East of Eden (MBC ២០០៨), Paradise Ranch (SBS ២០១១), Ghost (SBS ២០១២), Gu Family Book (MBC ២០១៣), Miss Korea (MBC ២០១៣-២០១៤), Hwajung (MBC ២០១៥), Reunited Worlds (SBS ២០១៧), The Package (JTBC ២០១៧) និងសមិទ្ធិផលថ្មីៗចុងក្រោយ The Game: Towards Zero f(MBC ២០២០) និងរឿងខ្លី SF8: Manxin (MBC ២០២០)។
ក្រោយស្ថិតក្រោមការគ្រប់គ្រងរបស់ SM Entertainment អស់រយៈពេលជាង ១៩ឆ្នាំ Lee Yoon Hee បានសម្រេចចិត្តមិនបន្តកុងត្រាជាមួយនឹងផលិតកម្មយក្សមួយនេះទេ ហើយកាលពីចុងឆ្នាំមុន Lee Yoon Hee បានសម្រេចចិត្តចូលរួមជាសមាជិកក្រោមការគ្រប់គ្រង Vast Entertainment ដែលជាផលិតកម្មតែមួយជាមួយនឹង Hyun Bin។
ទស្សនាកម្មវិធី Yuri’s Winning Recipe Season 2 ខាងក្រោមនេះ៖
