កញ្ញា សាន កុសុមៈ ម្ចាស់មកុដនៃកម្មវិធីប្រកួតធីតាឯកសង្ក្រាន្តឆ្នាំ ២០២១ ហើយក៏ជាតួអង្គតំណាងទេពធីតានៃបុត្រីទី៤ កបិលមហាព្រហ្ម មានព្រះនាមថា «មណ្ឌាទេវី» ដែលបានយាងចុះមកគ្រប់គ្រងជម្ពូទ្វីប ក្នុងឆ្នាំឆ្លូវ ឆ្នាំ ២០២១ បានធ្វើឱ្យមហាជនមានការចាប់អារម្មណ៍ខ្លាំង តាមរយៈការក្ដោបបានតួអង្គធំក្នុងរឿងភាគបុរាណរបស់ស្ថានីយទូរទស្សន៍ CTN ។
យោងតាមការរៀបរាប់ផ្ទាល់ពីកញ្ញា សាន កុសុមៈ នៅក្នុងឃ្លីបវីដេអូខ្លីមួយ កញ្ញា បានឱ្យដឹងថានៅក្នុងរឿងនោះ កញ្ញា ដើរតួអង្គ ឈ្មោះ អប្សរ ដែលរឿងនេះគឺជារឿងបុរាណបរិយាយពីជ្រុងមួយនៃសម័យលង្វែង ជាពិសេសកញ្ញាបានបញ្ជាក់ដែរថានៅក្នុងរឿងនេះ ទស្សនិកជននឹងបានឃើញទិដ្ឋភាពស្អាតៗ និង ប្លែកៗជាច្រើនផងដែរ។
គួរដឹងដែរថា ម្ចាស់ជយលាភីធីតាសង្ក្រាន្តឆ្នាំ២០២១ កញ្ញា សាន កុសុមៈ ក៏ក្ដោបបានតំណែងតួឯករឿងភាគបុរាណ មួយរឿងទៀតដែរនៅស្ថានីយទូរទស្សន៍ CTN គឺរឿង «ដើមរលួសមាស»។ អ្វីដែលគួរឱ្យចាប់អារម្មណ៍ខ្លាំងទៀតនោះ ក្នុងរឿងនេះក៏មាន
តួអង្គព្រះនាងម្ចាស់តូច នរោត្តម ជេនណា ទ្រង់ចូលរួមសម្ដែងផងដែរ។
រឿងភាគបុរាណ «នគរមាស» នឹងមានផ្សាយជូនទស្សនារៀងរាល់ថ្ងៃចន្ទ ដល់ថ្ងៃ ព្រហស្បតិ៍ វេលាម៉ោង ៧ យប់៕
